France Heatwave Crisis: കടുത്ത ചൂടിൽ ഫ്രാൻസിൽ 5,700-ലേറെ പേർ മരണപ്പെട്ടു
ഇത്തവണ യൂറോപ്പിനെ ദുരിതത്തിലാഴ്ത്തിയ കനത്ത ഉഷ്ണതരംഗം (Heatwave) ഫ്രാൻസിൽ വലിയ ദാരുണ സംഭവങ്ങൾക്കാണ് വഴിവെച്ചത്.
കടുത്ത ചൂടിൽ ഫ്രാൻസിൽ 5,700-ലേറെ പേർ മരണപ്പെട്ടു
ഇത്തവണ യൂറോപ്പിനെ ദുരിതത്തിലാഴ്ത്തിയ കനത്ത ഉഷ്ണതരംഗം (Heatwave) ഫ്രാൻസിൽ വലിയ ദാരുണ സംഭവങ്ങൾക്കാണ് വഴിവെച്ചത്. ജൂൺ 17 മുതൽ ജൂലൈ 2 വരെ നീണ്ടുനിന്ന അതിശക്തമായ ചൂടിനെ തുടർന്ന് ഫ്രാൻസിൽ മരണപ്പെട്ടത് 5,700-ലേറെ പേരാണ് മരണപ്പെട്ടത്.
#Internacionales | 🚨🇫🇷 En Francia, el calor extremo escaló a niveles críticos, registrando temperaturas superiores los 40 °C en varias regiones del país.
— Porttada (@porttada) July 22, 2026
📎https://t.co/XzC6QovsvA… pic.twitter.com/1sPqQcV3VK
ചിന്തിക്കാൻ പോലും കഴിയാത്തത്ര മരണ സംഖ്യ
ഉഷ്ണതരംഗം ബാധിച്ച പ്രദേശങ്ങളിൽ ഈ 16 ദിവസത്തിനിടെ വിവിധ കാരണങ്ങളാൽ ആകെ 21,674 മരണങ്ങൾ രേഖപ്പെടുത്തിയിട്ടുണ്ട്. എന്നാൽ മുൻവർഷങ്ങളിലെ ശരാശരി കണക്കുകൾ പ്രകാരം ഇതേ കാലയളവിൽ ഈ പ്രദേശങ്ങളിൽ പ്രതീക്ഷിച്ചിരുന്ന മരണസംഖ്യ 15,910 മാത്രമാണ്. അതായത്, സാധാരണയേക്കാൾ 5,764 പേർകൂടുതൽ മരിച്ചതായി കണക്കുകൾ വ്യക്തമാക്കുന്നു.
ആരോഗ്യവിദഗ്ധർ ഇത് അധികമരണങ്ങൾ (Excess Mortality) എന്ന വിഭാഗത്തിലാണ് ഉൾപ്പെടുത്തുന്നത്. ചൂട് നേരിട്ട് മരണകാരണമാകുന്ന സംഭവങ്ങൾക്കൊപ്പം, അതിരൂക്ഷമായ താപനില മൂലം നിരവധി രോഗങ്ങളും വർധിച്ചു. ഹൃദ്രോഗം, ശ്വാസകോശ സംബന്ധമായ അസുഖങ്ങൾ, വൃക്കരോഗങ്ങൾ എന്നിവ ഗുരുതരമാകുന്നതും മരണനിരക്ക് ഉയരാൻ കാരണമായി.
ബാധിക്കുന്നത് പ്രായമായവരേയും രോഗബാധിതരേയും
ഉഷ്ണതരംഗത്തിന്റെ ഏറ്റവും വലിയ ആഘാതം പ്രായമായവർക്കും (Senior Citizens), ദീർഘകാല രോഗങ്ങളുള്ളവർക്കും (Chronic Patients), ഒറ്റയ്ക്ക് താമസിക്കുന്നവർക്കുമാണ് ഉണ്ടായത്. കാരണം ഉയർന്ന താപനില ശരീരത്തിന്റെ താപനിയന്ത്രണ സംവിധാനത്തെ ബാധിക്കുന്നതിനാൽ നിർജലീകരണം (Dehydration), ഹീറ്റ് സ്ട്രോക്ക് (Heat Stroke), ഹൃദയാഘാതം തുടങ്ങിയ ഗുരുതര ആരോഗ്യപ്രശ്നങ്ങൾ വർധിച്ചതായി ആരോഗ്യവിദഗ്ധർ പറയുന്നു.
കാലാവസ്ഥാ വ്യതിയാനമെന്ന് വിദഗ്ധർ
യൂറോപ്പിൽ സമീപ വർഷങ്ങളായി ഉഷ്ണതരംഗങ്ങളുടെ ദൈർഘ്യവും തീവ്രതയും വർധിക്കുന്ന സാഹചര്യത്തിൽ, ഇത്തരം സംഭവങ്ങൾ കാലാവസ്ഥാ വ്യതിയാനത്തിന്റെ (Climate Change) പ്രത്യാഘാതമാണെന്ന് ശാസ്ത്രജ്ഞർ പറയുന്നു. നഗരങ്ങളിൽ കോൺക്രീറ്റ് നിർമ്മിതികളും പച്ചപ്പ് കുറയുന്നതും രാത്രിയിലും ചൂട് നിലനിൽക്കാൻ കാരണമാകുന്നതായി പഠനങ്ങൾ സൂചിപ്പിക്കുന്നു.
ഉഷ്ണതരംഗ സമയത്ത് ആവശ്യത്തിന് വെള്ളം കുടിക്കുക, ഉച്ചസമയത്തെ നേരിട്ടുള്ള സൂര്യപ്രകാശം ഒഴിവാക്കുക, പ്രായമായവരെയും കുട്ടികളെയും പ്രത്യേകം ശ്രദ്ധിക്കുക, തണലുള്ള സ്ഥലങ്ങളിൽ കഴിയുക തുടങ്ങിയ നിർദേശങ്ങളാണ് ഫ്രഞ്ച് ആരോഗ്യ അധികൃതർ ജനങ്ങൾക്ക് നൽകിയിരിക്കുന്നത്. ഭാവിയിൽ കടുത്ത ചൂടിനെ നേരിടാൻ ആരോഗ്യ സംവിധാനങ്ങളും ദുരന്തനിവാരണ പദ്ധതികളും കൂടുതൽ ശക്തിപ്പെടുത്തേണ്ടതുണ്ടെന്നും അധികൃതർ ചൂണ്ടികാട്ടി.
English Summary : France has suffered a catastrophic loss of life due to an intense heatwave that swept across Europe between June 17 and July 2. Over this 16-day period, extreme temperatures triggered severe public health emergencies, contributing to a dramatic spike in fatalities.
ചൈനയിലെ ചൂടില് കുമ്പളങ്ങക്ക് വന് ഡിമാന്റ്, കാരണം ഒരു പൂച്ച
കടുത്ത ചൂട് നേരിടുന്ന ചൈനയില് ഒരു പൂച്ചയുടെ ചിത്രം വൈറലായതോടെ കുമ്പളത്തിന് വില കൂടി. കുമ്പളങ്ങയുടെ മുകളില് കിടക്കുന്ന പൂച്ചയുടെ ചിത്രമാണ് ഈയിടെ സമൂഹ മാധ്യമങ്ങളില് വൈറലായത്. ചൈനീസ് ഡെയ്ലിയാണ് ഈ വാര്ത്ത ഇന്നലെ റിപ്പോര്ട്ട് ചെയ്തത്. കുമ്പളങ്ങയുടെ പ്രകൃതിദത്തമായ എയര് കണ്ടീഷനര് ശേഷിയുള്ളതിനാലാണ് കടുത്ത ചൂടില് പൂച്ച ഇത്തരത്തില് കിടക്കുന്നതെന്നായിരുന്നു പോസ്റ്റിന്റെ കാതല്.
ഇത് വൈറലായതോടെ ആളുകള് കുമ്പളങ്ങ വാങ്ങിക്കൂട്ടി. കുമ്പളങ്ങ ജ്യൂസ് ശരീരത്തിന് തണുപ്പു നല്കുമെന്നത് ചൈനീസ് പരമ്പരാഗത അറിവാണ്. ചൂടിനെ നേരിടാന് ആളുകള് കുമ്പളങ്ങ ജ്യൂസ് പതിവാക്കി. ഇതിനു പിന്നാലെ പലയിടത്തും പൂച്ചയും നായയും കുമ്പളങ്ങയുടെ മുകളില് കിടക്കുന്ന ചിത്രം സമൂഹ മാധ്യമങ്ങളില് നിറയാന് തുടങ്ങി. ഗാങ്ഡോങ്ങ് പ്രവിശ്യയിലെ ഫോഷനിലെ കര്ഷകന് പറയുന്നത് ഈയിടെ കുമ്പളങ്ങ കൂടുതല് എണ്ണം വിറ്റുപോകുന്നു എന്നും വില കൂടിയെന്നുമാണ്.
കുമ്പളങ്ങയിലെ ജലാംശവും മറ്റു ആരോഗ്യ ഗുണങ്ങളും കാരണം ജ്യൂസ് കുടിക്കുന്നത് തെക്കന് ചൈനിയില് പതിവാണ്. ചൂടിനെ നേരിടാന് ഇവിടത്തുകാര് ജ്യൂസുകളും സൂപ്പുകളുമാണ് ഇപ്പോള് പതിവായി സേവിക്കുന്നത്. ഫോഷന് സ്വദേശിയായ 65 കാരനായ കര്ഷന് ഒ യിങ്ക്യൂ പറയുന്നത് തന്റെ കുടുംബം പതിറ്റാണ്ടുകളായി കുമ്പളം കൃഷി ചെയ്യുന്നുണ്ടെങ്കിലും ഈ വേനലിലാണ് ഇത്രയും ഡിമാന്റ് ഉണ്ടായതെന്നാണ്.
ഇയാളുടെ ഒരു ഹെക്ടറിലെ 65 ശതമാനം പ്രദേശത്തും കുമ്പളങ്ങ കൃഷിയാണ്. 90 ദിവസം കൊണ്ടാണ് കുമ്പളങ്ങ വിളവെടുക്കാന് കഴിയുക. മെയ് പകുതിയിലോ ഓഗസ്റ്റ് തുടക്കമോ ആണ് സാധാരണ കുമ്പളങ്ങ വിളവെടുപ്പ് കാലം.
ദേശീയ സൂചികാ പദവി (National Geographical Indication) ലഭിച്ച ഒരു ഉല്പ്പന്നമാണ് സന്ഷൂയി കറുത്ത തൊലിയുള്ള കുമ്പളങ്ങ (Sanshui blackskinned wax gourd). നല്ല മിനുസമുള്ള കറുത്ത തൊലി, ഉറപ്പുള്ള കാമ്പ്, കൂടുതല് കാലം കേടുകൂടാതെ ഇരിക്കാനുള്ള ശേഷി എന്നിവയാണ് ഇതിന്റെ സവിശേഷതകള്. സാധാരണയായി ഒരു കുമ്പളങ്ങയ്ക്ക് 15 മുതല് 20 കിലോഗ്രാം വരെ ഭാരമുണ്ടാകാറുണ്ട്. എന്നാല് ഓ (Ou) വിളവെടുത്തതില് ഏറ്റവും വലിയ കുമ്പളങ്ങയ്ക്ക് ഏകദേശം 35 കിലോഗ്രാം ഭാരമുണ്ടായിരുന്നു.
ഈ കുമ്പളങ്ങയുടെ ഉറപ്പുള്ള കാമ്പിന് കാരണം സന്ഷൂയിയിലെ മണല് കലര്ന്ന ഫലഭൂയിഷ്ഠമായ മണ്ണാണെന്ന് 'ഓ' പറയുന്നു. മഴയും താപനിലയുമാണ് ഇവയുടെ വളര്ച്ചയെയും വില്പ്പനയെയും നിയന്ത്രിക്കുന്നത്; കനത്ത മഴ വിളവെടുപ്പിനെ ബാധിക്കുമെങ്കിലും, ഉയര്ന്ന ചൂട് ഇതിന്റെ ആവശ്യകത വര്ദ്ധിപ്പിക്കുന്നു.
കൂടുതല് കാലം കേടുകൂടാതെ ഇരിക്കാനുള്ള കഴിവ് കാരണം കുമ്പളങ്ങ പണ്ടുമുതലേ അടുക്കളകളിലെ ഒരു പ്രധാന വിഭവമാണ്. മുറിക്കാത്ത കുമ്പളങ്ങ ഈര്പ്പമില്ലാത്ത, വായുസഞ്ചാരമുള്ള സ്ഥലത്ത് സൂക്ഷിച്ചാല് മാസങ്ങളോളം—ഒരുപക്ഷേ വര്ഷാവസാനം വരെ—കേടുകൂടാതെ ഇരിക്കും. എന്നാല് ഒരിക്കല് മുറിച്ചുകഴിഞ്ഞാല്, ബാക്കിവരുന്നത് ഫ്രിഡ്ജില് സൂക്ഷിക്കുകയും ഉടന് തന്നെ ഉപയോഗിക്കുകയും വേണം.
ഇന്ന് ഫോഷാന്, ഗ്വാങ്ഷൂ തുടങ്ങിയ നഗരങ്ങളിലെ വിപണികളില് സന്ഷൂയി കുമ്പളങ്ങ സജീവമാണ്. കോള്ഡ് ചെയിന് സംവിധാനം വഴി അമേരിക്ക, സിംഗപ്പൂര് തുടങ്ങിയ വിദേശ രാജ്യങ്ങളിലേക്കും ഇവ കയറ്റുമതി ചെയ്യുന്നുണ്ട്.
നാട്ടുകാരെ സംബന്ധിച്ചിടത്തോളം, ഈ കുമ്പളങ്ങ ആസ്വദിക്കാനുള്ള ഏറ്റവും ലളിതമായ വഴി ഇതിന്റെ സൂപ്പ് ഉണ്ടാക്കുക എന്നതാണ്.
A tiny #cat hugging an oversized vegetable has become one of this summer's most unexpected online sensations in China.
— China Daily (@ChinaDaily) August 12, 2026
In images circulating on social media, a fluffy cat rests on top of a giant green wax gourd, draping its paws over the smooth surface as if embracing a "natural… pic.twitter.com/s1pRMOO2H1
'ഞങ്ങള് സാധാരണയായി കുമ്പളങ്ങ സൂപ്പാണ് ഉണ്ടാക്കാറുള്ളത്,' ഓ പറഞ്ഞു. വീട്ടില് അദ്ദേഹം കുമ്പളങ്ങയും പന്നിയിറച്ചിയും ചേര്ത്ത് സ്വാഭാവിക മധുരമുള്ള, ലളിതമായ സൂപ്പ് തയ്യാറാക്കുന്നു. ഉണ്ടാക്കുന്ന രീതി വളരെ ലളിതമാണ്: ആദ്യം കുമ്പളങ്ങ വേവിക്കുക, വെള്ളം തിളച്ചുമറിയുമ്പോള് ഇറച്ചി ചേര്ത്ത് 10 മിനിറ്റോളം വേവിച്ചെടുക്കുക.
'ഓരോ നേരത്തെയും ഭക്ഷണം അപ്പോള്ത്തന്നെ പുതിയതായി ഉണ്ടാക്കുന്നതാണ്. രാത്രി മുഴുവന് വെച്ചാല് ഇതിന്റെ രുചി മാറും,' അദ്ദേഹം കൂട്ടിച്ചേര്ത്തു.
ചെറുപ്പം മുതലേ 'ഓ'യുടെ ഭക്ഷണക്രമത്തിലെ ഒരു പ്രധാന വിഭവമാണിത്. മുന്പ് അദ്ദേഹത്തിന്റെ കുടുംബം സ്വന്തം ആവശ്യത്തിന് മാത്രമായിരുന്നു കുമ്പളങ്ങ കൃഷി ചെയ്തിരുന്നത്; ചൈനയിലെ സാമ്പത്തിക പരിഷ്കരണങ്ങള്ക്കും ഉദാരവല്ക്കരണത്തിനും ശേഷമാണ് അവര് ഇത് വാണിജ്യാടിസ്ഥാനത്തില് വില്ക്കാന് തുടങ്ങിയത്.
ഗ്വാങ്ഡോങ് പ്രദേശത്തുടനീളം, ഇത് പന്നിയിറച്ചി വാരിയെല്ലുകളോ ഉണക്കിയ സ്കൂളോപ്പുകളോ (dried scallops) ചേര്ത്ത് റോസ്റ്റ് ചെയ്യാറുണ്ട്. വേനല്ക്കാലത്തെ മറ്റൊരു പരമ്പരാഗത വിഭവം കുമ്പളങ്ങ താറാവിറച്ചിയും ഞവരയും (coix seeds) ചേര്ത്ത് ഉണ്ടാക്കുന്നതാണ്.
വിഭവങ്ങളുടെ തനത് മാറ്റ് ചോര്ന്നുപോകാതെ, ലളിതവും സമീകൃതവുമായ രുചികള് ഇഷ്ടപ്പെടുന്ന കന്റോണീസ് രീതിക്ക് ഉത്തമ ഉദാഹരണമാണ് ഈ പാചകക്കുറിപ്പുകള്.
കാലാവസ്ഥയ്ക്കനുസരിച്ച് ഭക്ഷണം കഴിക്കുന്ന ലിങ്നാന് (Lingnan) ശൈലിയെയും ഇത് വ്യക്തമാക്കുന്നു. ചൂട് ഉച്ചസ്ഥായിയിലെത്തുമ്പോഴാണ് കുമ്പളങ്ങ വിപണിയില് എത്തുന്നത്. അല്ലാതെ അപൂര്വതയോ ആഡംബരമോ കൊണ്ടല്ല, മറിച്ച് പ്രാദേശിക കാലാവസ്ഥയ്ക്കും ജീവിതരീതിക്കും ഏറ്റവും അനുയോജ്യമായതിനാലാണ് ഇത് ജനപ്രിയമായത്.
എങ്കിലും ഈ കൃഷി മുന്പോട്ടു കൊണ്ടുപോകുന്നത് വലിയ വെല്ലുവിളിയാണ്. പുതിയ തലമുറയിലെ യുവാക്കളാരും കൃഷിയിലേക്ക് വരുന്നില്ലെന്നും, നിലവിലുള്ള കര്ഷകരില് ഭൂരിഭാഗവും 50 വയസ്സിന് മുകളില് പ്രായമുള്ളവരാണെന്നും 'ഓ' പറഞ്ഞു.
ഇന്റര്നെറ്റിലെയും സോഷ്യല് മീഡിയയിലെയും പുതിയ ട്രെന്ഡുകള് വരുംതലമുറയ്ക്ക് പ്രചോദനമാകുമെന്നും, മണ്ണില് വിളയുന്ന ഈ ഭീമന്മാരുടെ മൂല്യം തിരിച്ചറിയാന് അവരെ സഹായിക്കുമെന്നും പ്രതീക്ഷിക്കാം.
