ന്യൂനമര്ദം മ്യാന്മറിലേക്ക്, 2 ദിവസം മഴ കുറയും, പക്ഷേ കാലവര്ഷത്തിന് അനുകൂലം
The low-pressure system recently formed in the Bay of Bengal is expected to intensify but move away from the Indian mainland.
ന്യൂനമര്ദം മ്യാന്മറിലേക്ക്, 2 ദിവസം മഴ കുറയും, പക്ഷേ കാലവര്ഷത്തിന് അനുകൂലം
ബംഗാള് ഉള്ക്കടലില് രൂപപ്പെട്ട ന്യൂനമര്ദം അടുത്ത മണിക്കൂറുകളില് ശക്തിപ്പെടുന്നതോടെ കേരളം ഉള്പ്പെടെ മഴ കുറയാന് സാധ്യത. ഇന്ത്യയുടെ കരഭാഗത്തു നിന്ന് ഈ സിസ്റ്റം അകന്ന് മ്യാന്മര് ലക്ഷ്യമാക്കി നീങ്ങാനാണ് സാധ്യത. ഇതോടെ കിഴക്കന് തീരത്തും മഴ കുറയും.
ഇന്നലെ രൂപപ്പെട്ട ന്യൂനമര്ദം ഇന്നു രാത്രിയോടെ ശക്തികൂടിയ ന്യൂനമര്ദമായി മാറും. രണ്ടു ദിവസത്തിനകം വീണ്ടും ശക്തിപ്പെട്ട് തീവ്രന്യൂനമര്ദം (Depression) ആയി മാറും. വടക്കുകിഴക്കു ദിശയിലാണ് ന്യൂനമര്ദം സഞ്ചരിക്കുക. അതിനാല് ഒഡിഷ തീരത്തടക്കം പ്രതീക്ഷിച്ച മഴ ഇല്ലാതാകും.
ഞായറാഴ്ചയോടെ മ്യാന്മര്- അരാകന് തീരത്തേക്ക് ന്യൂനമര്ദം തീവ്രന്യൂനമര്ദമായി എത്തും. ഒറ്റപ്പെട്ട വേനല് മഴ തമിഴ്നാട്, കേരളം സംസ്ഥാനങ്ങളില് ലഭിക്കും.
ന്യൂനമര്ദത്തിന്റെ ഭാഗമായ ശക്തമായ മഴയെല്ലാം ബംഗാള് ഉള്ക്കടലിലാണ് പെയ്യുക. ബംഗാള് ഉള്ക്കടലില് മെയ് 16 ന് കാലവര്ഷത്തെ എത്തിക്കാനും സജീവമായി നിലനിര്ത്താനും ഈ സിസ്റ്റം കാരണമാകും. ഈ സമയം ആന്ഡമാനിലെ പ്രദേശങ്ങളില് പ്രാദേശിക പ്രളയത്തിന് കാരണമാകുന്ന മഴയും ലഭിക്കും.
ബംഗാള് ഉള്ക്കടലില് ന്യൂനമര്ദം രൂപപ്പെട്ടതോടെ ഭൂമധ്യരേഖ കടന്നു വരുന്ന മണ്സൂണ് കാറ്റിനെ സജീവമാക്കുന്നുണ്ട്. ഇന്ത്യയുടെ കടല് മേഖലയിലേക്ക് കാലവര്ഷക്കാറ്റിനെ എത്തിക്കാനാണ് ഇപ്പോഴത്തെ സിസ്റ്റം കൂടുതല് ഉപകരിക്കുക.
കഴിഞ്ഞ വര്ഷം തെക്കന് ആന്ഡമാന് കടലില് കാലവര്ഷം എത്തിയത് മെയ് 13 നായിരുന്നു. 10 ദിവസം കഴിഞ്ഞ് മെയ് 24 ന് കേരളത്തിലും നേരത്തെ കാലവര്ഷം എത്തിയിരുന്നു. ഇത്തവണയും വൈകാതെ കാലവര്ഷം കേരളത്തിലെത്തുമെന്നാണ് പ്രതീക്ഷ.
English Summary : Low-Pressure System Shifts Toward Myanmar: Rainfall to Recede as Monsoon Winds Gain Strength. The low-pressure system recently formed in the Bay of Bengal is expected to intensify but move away from the Indian mainland. Here are the key takeaways from the latest weather update
Kerala Weather 13/08/26 : ന്യൂനമർദ്ദം ഇന്ന് ശക്തിപ്പെട്ടേക്കും , കേരളത്തിൽ മഴ കൂടും
കരയിലും കടലിലും ആയി രൂപപ്പെട്ട ഇരട്ട ന്യൂനമർദ്ദങ്ങളെ തുടർന്ന് കേരളത്തിൽ ഇന്നലെ മുതൽ മഴയിൽ വർദ്ധനവ് രേഖപ്പെടുത്തി. ഇന്നും (വ്യാഴം) നാളെയും കൂടുതൽ ജില്ലകളിൽ മഴ ലഭിക്കും. ഇടവേളകളോടുകൂടിയ ശക്തമായ മഴ സാധ്യതയാണ് മിക്ക ജില്ലകളിലും Metbeat Weather പ്രവചിക്കുന്നത്.
കേന്ദ്ര കാലാവസ്ഥ നിരീക്ഷണ കേന്ദ്രം ( IMD) ഇന്ന് കാസർകോട് , കണ്ണൂർ ജില്ലകളിൽ ശക്തമായ മഴ സാധ്യതയെ തുടർന്ന് മഞ്ഞ അലർട്ട് പ്രഖ്യാപിച്ചു. നാളെ (Aug 14) ന് പത്തനംതിട്ട, കോട്ടയം, ഇടുക്കി ജില്ലകളിലും മഞ്ഞ അലർട്ട് ( Yellow Alert) പ്രഖ്യാപിച്ചിട്ടുണ്ട്.
കേരള - ലക്ഷദ്വീപ് - കർണാടക തീരങ്ങളിൽ മത്സ്യബന്ധനത്തിന് വിലക്കില്ല. സോമാലിയൻ തീരം, ഒമാൻ തീരം, തെക്കുപടിഞ്ഞാറ് അറബിക്കടൽ, വടക്ക് പടിഞ്ഞാറ് അറബിക്കടൽ എന്നിവിടങ്ങളിൽ കാറ്റിന്റെ വേഗത 45 മുതൽ 55 കിലോമീറ്റർ ശക്തി ഉണ്ടാകും.
ജലനിരപ്പ് ഉയർന്നതിനാൽ ആലപ്പുഴ ജില്ലയിലെ അച്ചൻകോവിൽ നദിയിൽ മഞ്ഞ അലർട്ട് പ്രഖ്യാപിച്ചു. തീരത്തുള്ളവർ ജാഗ്രത പാലിക്കണം.
വടക്കൻ ജില്ലകളിൽ ഉൾപ്പെടെ എല്ലാ ജില്ലകളിലും ഇന്നും നാളെയും മറ്റന്നാളും മഴ ശക്തിപ്പെടാൻ സാധ്യതയെന്നാണ് Metbeat Weather പറയുന്നത്.
ന്യൂനമർദ്ദങ്ങൾ അറബിക്കടലിൽ കാറ്റിന്റെ വേഗത വർദ്ധിപ്പിച്ചതാണ് കാരണം.
പശ്ചിമബംഗാളിനോട് ചേർന്ന് വടക്ക് പടിഞ്ഞാറ് ബംഗാൾ ഉൾക്കടലിൽ ഇന്നലെയാണ് പുതിയ ന്യൂനമർദം രൂപപ്പെട്ടത്. ഇത് ഇന്ന് വീണ്ടും ശക്തിപ്പെട്ടു ശക്തി കൂടിയ ന്യൂനമർദ്ദമായി ( WML) മാറാൻ സാധ്യത. കഴിഞ്ഞദിവസം കരകയറിയ ന്യൂനമർദ്ദം നിലവിൽ കിഴക്കൻ രാജസ്ഥാനിൽ മുകളിലാണുള്ളത്.
ഇപ്പോഴത്തെ സാഹചര്യത്തിൽ കേരളത്തിൽ തുടർച്ചയായ ശക്തമായ മഴ പ്രതീക്ഷിക്കുന്നില്ല.
English Summary : Following the formation of twin low-pressure systems over land and sea, rainfall has increased across Kerala since yesterday. Rain is expected in more districts today (Thursday) and tomorrow, with Metbeat Weather forecasting heavy rain with intervals for most regions.
