Kerala Weather 18/07/26 : വടക്കൻ ജില്ലകളിൽ രാവിലെ മഴ, കാരണം ന്യൂനമർദ്ദ പാത്തി

Kerala Weather 18/07/26 :  വടക്കൻ ജില്ലകളിൽ രാവിലെ മഴ, കാരണം ന്യൂനമർദ്ദ പാത്തി

വടക്കൻ കേരളത്തിൽ ഇന്ന് രാവിലെ മുതൽ മഴ തുടരുന്നു. ലക്ഷദ്വീപ് മുതൽ വടക്കൻ കേരളം വഴി ബംഗാൾ ഉൾക്കടലിലേക്ക് നീളുന്ന ന്യൂനമർദ്ദ പാത്തി (Trough) ആണ് ഇതിന് കാരണം. ഇതോടൊപ്പം കഴിഞ്ഞ ദിവസം കരകയറിയ ന്യൂനമർദ്ദം പശ്ചിമബംഗാൾ ഭാഗത്തേക്ക് നീങ്ങിയിട്ടുണ്ട്. ഇത് കൂടുതലും കാറ്റിനെ മധ്യ ഇന്ത്യയിലേക്കാണ് ആകർഷിക്കപ്പെടുന്നത്.

ഇന്നലെ രാത്രിയും പുലർച്ചെയും അതിരാവിലെയുമായി കേരളത്തിൻ്റെ വിവിധ ഭാഗങ്ങളിൽ മഴ ലഭിച്ചു. വടക്കഞ്ചേരികൾക്കൊപ്പം തൃശ്ശൂർ, എറണാകുളം തുടങ്ങിയ മധ്യ കേരളത്തിലും മഴ ലഭിച്ചു. 

വടക്കൻ ജില്ലകളിൽ ഇന്നലെ രാത്രി മുതൽ ഇന്ന് രാവിലെ വരെ പലയിടങ്ങളിലും മഴ തുടരുന്നുണ്ട്. രാവിലെ 10 മണിയോടെ ഈ മഴയ്ക്ക് ശമനം ലഭിക്കും. തുടർന്ന് വൈകിട്ട് വരെ തെളിഞ്ഞ അന്തരീക്ഷത്തിന് സാധ്യത.

 മലപ്പുറം, വയനാട്, കോഴിക്കോട്, കണ്ണൂർ തുടങ്ങിയ ജില്ലകളിൽ രാവിലെ ഭാഗിക  മേഘാവൃതമായ (partially cloudy ) അന്തരീക്ഷം. കാസർകോട് , കണ്ണൂർ ജില്ലകളുടെ കിഴക്കൻ മലയോര മേഖലകളിൽ ഉച്ചക്കുശേഷം ഇടിയോടു കൂടെയുള്ള ശക്തമായ മഴയ്ക്കുള്ള സാധ്യതയും കാണുന്നു. 

തമിഴ്നാട്ടിൽ വടക്കൻ ജില്ലകളിൽ ഇന്ന് മഴ സാധ്യത. ചെന്നൈയിൽ ഉൾപ്പെടെയുള്ള ജില്ലകളിൽ മഴ ലഭിക്കും. കടലൂർ മുതൽ ചെന്നൈ വരെ എല്ലാ ജില്ലകളിലും മേഘാവൃതമായി അന്തരീക്ഷവും ഒറ്റപ്പെട്ട ശക്തമായ മഴയും ലഭിക്കും. കർണാടകയിലെ ബംഗളൂരുവിൽ മേഘാവൃതമായ അന്തരീക്ഷം. 

ഇന്നലെ രാത്രി കണ്ണൂര്‍, കാസര്‍കോട്, തൃശൂര്‍ ജില്ലകളില്‍ ഓറഞ്ച് അലര്‍ട്ട്  കാലാവസ്ഥാ വകുപ്പ് പ്രഖ്യാപിച്ചിരുന്നു. പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചു. 

ഇന്ന് (ശനി) മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ മഞ്ഞ അലര്‍ട്ടും  മറ്റു ജില്ലകളില്‍ സാധാരണ മഴ മുന്നറിയിപ്പായ പച്ച അലര്‍ട്ടുമാണ്.

English Summary : Kerala Weather (18/07/26): Morning Rains Lash Northern Districts Driven by Offshore Trough. 

കാലാവസ്ഥാ നിരീക്ഷണവും ദുരന്തപ്രതികരണവും ശക്തിപ്പെടുത്തും: മന്ത്രി ടി. സിദ്ദീഖ്

പുൽപള്ളി പഴശ്ശിരാജ കോളേജിൽ സ്ഥാപിക്കുന്ന ഡോപ്ലർ റഡാർ (Doppler Radar) സംവിധാനത്തിലൂടെ വയനാട് ജില്ലയിലെ കാലാവസ്ഥാ നിരീക്ഷണം കൂടുതൽ കൃത്യവും കാര്യക്ഷമവുമാക്കാൻ കഴിയുമെന്ന് കൃഷി വകുപ്പ് മന്ത്രി അഡ്വ. ടി. സിദ്ദീഖ് പറഞ്ഞു. പുത്തുമല ഹൃദയഭൂമിയിൽ സംഘടിപ്പിച്ച അനുസ്മരണ പരിപാടിയിൽ സംസാരിക്കുകയായിരുന്നു അദ്ദേഹം.

ഡോപ്ലർ റഡാറിലൂടെ മുൻകൂർ മുന്നറിയിപ്പ്(Early Warning System)

പ്രകൃതി ദുരന്തങ്ങൾ മുൻകൂട്ടി തിരിച്ചറിയാനും അതനുസരിച്ച് സമയോചിതമായ നടപടികൾ സ്വീകരിക്കാനുമുള്ള സംവിധാനങ്ങളാണ് സർക്കാർ നടപ്പാക്കുന്നതെന്ന് മന്ത്രി പറഞ്ഞു. കാലാവസ്ഥ മോശമാകുന്ന സാഹചര്യങ്ങളിൽ സുരക്ഷിത കേന്ദ്രങ്ങളിലേക്ക് മാറ്റി താമസിപ്പിക്കേണ്ട ആളുകളുടെ മാപ്പിങ് (Mapping) നടത്താൻ ബന്ധപ്പെട്ട ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും അദ്ദേഹം വ്യക്തമാക്കി.

അതിജീവന പദ്ധതികൾക്ക് കൂട്ടായ പ്രവർത്തനം(Rehabilitation Efforts)

ദുരന്തബാധിതരായ കുട്ടികളുടെ തുടർപഠനം മുടങ്ങാതിരിക്കാൻ ആവശ്യമായ നടപടികൾ സ്വീകരിച്ചതായും മന്ത്രി പറഞ്ഞു. ത്രിതല പഞ്ചായത്ത് ജനപ്രതിനിധികളും ഉദ്യോഗസ്ഥരും വിവിധ വകുപ്പുകളും ഒറ്റക്കെട്ടായി പ്രവർത്തിക്കുന്നതിലൂടെയാണ് അതിജീവന പദ്ധതികൾ (Rehabilitation Projects) ഫലപ്രദമായി മുന്നോട്ട് പോകുന്നതെന്നും അദ്ദേഹം കൂട്ടിച്ചേർത്തു. 

അതേസമയം ദുരന്തബാധിതരുടെ വായ്പകളുമായി ബന്ധപ്പെട്ട വിഷയങ്ങളിൽ അനുഭാവപൂർണമായ തീരുമാനം ഉണ്ടാകുമെന്ന് മന്ത്രി അറിയിച്ചു. ദുരന്തത്തിൽ തകർന്ന ആരാധനാലയങ്ങളുടെ പുനരുദ്ധാരണത്തിനായും ആവശ്യമായ നടപടികൾ സ്വീകരിക്കുമെന്നും അദ്ദേഹം പറഞ്ഞു.

ആത്മവിശ്വാസത്തോടെ മുന്നോട്ട് പോകണം(Message of Hope)

ദുരന്തത്തിന്റെ തീരാത്ത വേദന അനുഭവിക്കുന്ന ജനങ്ങൾക്ക് ആത്മവിശ്വാസം പകരാനും അവരെ കൈപിടിച്ചുയർത്താനും കഴിയുന്നതെല്ലാം ചെയ്യാൻ എല്ലാവരും ഒരേ മനസോടെ മുന്നോട്ടുപോകണമെന്നും മന്ത്രി ടി. സിദ്ദീഖ് ആഹ്വാനം ചെയ്തു. 

English Summary : In a major move to bolster climate resilience and disaster response in Wayanad, Kerala Minister Adv. T. Siddique announced the installation of an advanced Doppler Radar System at Pazhassi Raja College, Pulpally.