El Niño Crisis in Kerala: കേരളത്തിലെ മഴക്കുറവും എൽ-നിനോയും; കേന്ദ്രസഹായം ആവശ്യപ്പെട്ട് മന്ത്രി
എൽ-നിനോ (El Niño), ഇന്ത്യൻ ഓഷ്യൻ ഡൈപോൾ (Indian Ocean Dipole - IOD), മാഡൻ-ജൂലിയൻ ഓസിലേഷൻ (Madden-Julian Oscillation - MJO) തുടങ്ങിയ ആഗോള കാലാവസ്ഥാ
കേരളത്തിലെ മഴക്കുറവും എൽ-നിനോയും; കേന്ദ്രസഹായം ആവശ്യപ്പെട്ട് മന്ത്രി
എൽ-നിനോ (El Niño), ഇന്ത്യൻ ഓഷ്യൻ ഡൈപോൾ (Indian Ocean Dipole - IOD), മാഡൻ-ജൂലിയൻ ഓസിലേഷൻ (Madden-Julian Oscillation - MJO) തുടങ്ങിയ ആഗോള കാലാവസ്ഥാ പ്രതിഭാസങ്ങൾ കേരളത്തിലെ കാർഷിക മേഖലയെ ഗുരുതരമായി ബാധിച്ച സാഹചര്യത്തിൽ സംസ്ഥാനത്തിന് പ്രത്യേക സാമ്പത്തിക സഹായം അനുവദിക്കണമെന്ന് കേന്ദ്ര സർക്കാരിനോട് ആവശ്യപ്പെട്ടിട്ടുണ്ടെന്ന് കൃഷിവകുപ്പ് മന്ത്രി ടി. സിദ്ദിഖ് നിയമസഭയിൽ അറിയിച്ചു.
മുഖ്യമന്ത്രി ഇക്കാര്യത്തിൽ പ്രത്യേക ഇടപെടൽ നടത്തുമെന്ന് കേന്ദ്രത്തെ അറിയിച്ചിട്ടുണ്ടെന്നും, കാർഷിക മേഖലയെ സംരക്ഷിക്കാൻ സംസ്ഥാന സർക്കാർ സമഗ്രമായ ഇടപെടലുകൾക്ക് തയ്യാറെടുക്കുകയാണെന്നും മന്ത്രി വ്യക്തമാക്കി.
എൽ-നിനോയുടെ (El Niño) ആഘാതം; മഴയിൽ 20 മുതൽ 42 ശതമാനം വരെ കുറവ്
പസഫിക് സമുദ്രത്തിലെ (Pacific Ocean) ഉപരിതല ജലത്തിന്റെ അസാധാരണമായ താപവർധനവിന്റെ ഫലമായാണ് എൽ-നിനോ പ്രതിഭാസം രൂപപ്പെടുന്നതെന്ന് മന്ത്രി വിശദീകരിച്ചു. ഇതിന്റെ പ്രത്യാഘാതമായി കേരളത്തിലെ കാലാവസ്ഥാ ക്രമം വലിയ രീതിയിൽ മാറിയിരിക്കുകയാണ്.
സാധാരണ ശക്തമായ മഴ ലഭിക്കേണ്ട തിരുവാതിര ഞാറ്റുവേല കാലഘട്ടത്തിൽ പോലും പകൽസമയത്ത് കടുത്ത ചൂടും രാത്രിയിലും ഉയർന്ന താപനിലയും അനുഭവപ്പെടുന്ന സാഹചര്യമാണുള്ളത്. സംസ്ഥാനത്ത് വിവിധ മേഖലകളിൽ മഴലഭ്യത 20 ശതമാനം മുതൽ 42 ശതമാനം വരെ കുറഞ്ഞത് കാർഷിക ഉൽപ്പാദനത്തെ പ്രതികൂലമായി ബാധിച്ചിരിക്കുകയാണെന്നും അദ്ദേഹം ചൂണ്ടിക്കാട്ടി.
കേരളത്തിലെ എല്ലാ ജില്ലകളിലും എൽ-നിനോയുടെ സ്വാധീനം അനുഭവപ്പെട്ടിട്ടുണ്ടെന്നും അതിനാൽ ജില്ലാതലത്തിൽ പ്രത്യേക കൺട്രോൾ റൂമുകൾ (Control Rooms) ആരംഭിച്ചിട്ടുണ്ടെന്നും മന്ത്രി അറിയിച്ചു. ദീർഘകാല പ്രതിരോധ നടപടികൾ ഉൾക്കൊള്ളുന്ന സമഗ്ര പദ്ധതിയും സർക്കാർ തയ്യാറാക്കുകയാണെന്നും അദ്ദേഹം പറഞ്ഞു.
കീടനാശിനി സാന്നിധ്യം ആശങ്ക; മുകളിൽ
സംസ്ഥാനത്ത് സുരക്ഷിത ഭക്ഷ്യോൽപ്പാദനത്തിന് വലിയ പ്രാധാന്യം നൽകുകയാണെന്നും മന്ത്രി വ്യക്തമാക്കി. കേരളത്തിലെ വിവിധ ലാബുകളിൽ പരിശോധിച്ച 1,268 പച്ചക്കറി സാമ്പിളുകളിൽ 51 എണ്ണത്തിൽ അനുവദനീയമായ പരിധിയേക്കാൾ കൂടുതലായി കീടനാശിനിയുടെ (Pesticide Residue) സാന്നിധ്യം കണ്ടെത്തിയതായി അദ്ദേഹം അറിയിച്ചു.
ഇത് അതീവ ഗൗരവമുള്ള സാഹചര്യമാണെന്നും വിഷരഹിത ഭക്ഷ്യോൽപ്പാദനവും പ്രകൃതി സൗഹൃദ കൃഷിരീതികളും കൂടുതൽ ശക്തിപ്പെടുത്തേണ്ടത് ഇന്നത്തെ സാഹചര്യത്തിൽ അനിവാര്യമാണെന്നും മന്ത്രി പറഞ്ഞു.
തരിശുനിലകൾ കൃഷിയോഗ്യമാക്കാൻ സമഗ്ര പദ്ധതി
സംസ്ഥാനത്തെ മുഴുവൻ തരിശുനിലകളും (Fallow Land) ശാസ്ത്രീയമായി മാപ്പ് ചെയ്ത് വീണ്ടും കൃഷിയോഗ്യമാക്കുന്നതിനുള്ള സമഗ്ര പദ്ധതിക്ക് കൃഷിവകുപ്പ് രൂപം നൽകുകയാണെന്ന് മന്ത്രി അറിയിച്ചു. റവന്യൂ, തദ്ദേശസ്വയംഭരണം, ജലസേചനം ഉൾപ്പെടെയുള്ള വിവിധ വകുപ്പുകളുടെ സഹകരണത്തോടെയായിരിക്കും പദ്ധതി നടപ്പാക്കുക.
വിദ്യാർത്ഥികളെ കൃഷിയിലേക്ക് എത്തിക്കുക
യുവതലമുറ കാർഷിക മേഖലയിൽ നിന്ന് അകന്നുപോകുന്ന സാഹചര്യം പരിഗണിച്ച് വിദ്യാർത്ഥികളിൽ കാർഷിക അവബോധം വളർത്തുന്നതിനായി ‘കതിർ’ (Kerala Agriculture Technology Heritage and Innovation for Rural Understanding - KATHIR) പദ്ധതി സംസ്ഥാനത്തെ എല്ലാ സ്കൂളുകളിലും നടപ്പാക്കുമെന്ന് മന്ത്രി അറിയിച്ചു.
കതിർ ക്ലബ്ബുകൾ (KATHIR Clubs), നോഡൽ അധ്യാപകർ (Nodal Teachers), വിദ്യാർത്ഥികൾക്കായുള്ള പരിശീലന പരിപാടികൾ, വിത്തും വളവും വിതരണം, പ്രോത്സാഹന പദ്ധതികൾ എന്നിവ ഉൾപ്പെടുന്ന ബൃഹത്തായ പദ്ധതിയാണിത്.
വിദ്യാഭ്യാസ വകുപ്പിന്റെ സഹകരണത്തോടെയായിരിക്കും പദ്ധതി നടപ്പാക്കുക. ഭാവിയിൽ കാർബൺ ക്രെഡിറ്റ് (Carbon Credit) സംവിധാനവും പ്രത്യേക കാർഷിക വിപണന ശൃംഖലയും പദ്ധതിയുമായി ബന്ധിപ്പിക്കാനുള്ള സാധ്യതകളും സർക്കാർ പരിശോധിച്ചുവരികയാണെന്നും മന്ത്രി അറിയിച്ചു.
‘കൃഷി സഖി’ (Krishi Sakhi) പദ്ധതി
ഐക്യരാഷ്ട്രസഭ (United Nations - UN) 2026-നെ അന്താരാഷ്ട്ര വനിതാ കർഷക വർഷമായി (International Year of Women Farmers) പ്രഖ്യാപിച്ച സാഹചര്യത്തിൽ സംസ്ഥാനത്ത് അഞ്ചുവർഷം നീണ്ടുനിൽക്കുന്ന ‘കൃഷി സഖി’ (Krishi Sakhi) പദ്ധതി നടപ്പാക്കുമെന്ന് മന്ത്രി അറിയിച്ചു.
വനിതാ കർഷകരെ ഉൽപ്പാദനം, സംസ്കരണം (Processing), മൂല്യവർധന (Value Addition), വിപണനം (Marketing) എന്നിവയുമായി ബന്ധിപ്പിക്കുന്ന സമഗ്ര ശാക്തീകരണ പദ്ധതിയായിരിക്കും ഇത്.
ഡിജിറ്റൽ സോയിൽ ടെസ്റ്റിങ് (Digital Soil Testing) സംവിധാനം
സംസ്ഥാനത്തെ എല്ലാ മണ്ണ് പരിശോധനാ ലാബുകളെയും (Soil Testing Laboratories) ഡിജിറ്റലായി ബന്ധിപ്പിച്ച് സാർവത്രിക മണ്ണ് പരിശോധന (Universal Soil Testing System) നടപ്പാക്കുമെന്ന് മന്ത്രി അറിയിച്ചു.
പ്രളയവും വരൾച്ചയും മൂലമുണ്ടാകുന്ന മണ്ണിന്റെ ഫലഭൂയിഷ്ഠത (Soil Fertility) നഷ്ടം പരിഹരിക്കുന്നതിനായി പ്രത്യേക പദ്ധതികളും നടപ്പാക്കും.
ട്രോപ്പിക്കൽ മേഖലയ്ക്ക് അനുയോജ്യമായ എക്സോട്ടിക് ഫലവിളകൾ (Exotic Fruits), കയറ്റുമതി സാധ്യതകൾ (Export Potential), കോൾഡ് ചെയിൻ (Cold Chain), വെയർഹൗസിങ് (Warehousing) സൗകര്യങ്ങൾ എന്നിവ വികസിപ്പിക്കുന്നതിനുള്ള ബൃഹത്തായ പദ്ധതികളുമായാണ് സർക്കാർ മുന്നോട്ട് പോകുന്നതെന്നും മന്ത്രി അറിയിച്ചു. കർഷക കടാശ്വാസ കമ്മീഷൻ (Farmers Debt Relief Commission) ഉൾപ്പെടെയുള്ള വിവിധ പദ്ധതികൾ പുനരുജ്ജീവിപ്പിച്ച് കർഷകരെ കൂടുതൽ ശക്തിപ്പെടുത്താനുള്ള നടപടികളും സ്വീകരിക്കും.
“കർഷകനെ ചേർത്തുപിടിച്ച്”
മാതാപിതാക്കളെയും ഗുരുവിനെയും ദൈവത്തെയും പോലെ അന്നം നൽകുന്ന കർഷകനെയും സമൂഹം ചേർത്തുനിർത്തേണ്ട സമയമാണിതെന്ന് മന്ത്രി പറഞ്ഞു. മണ്ണിന്റെ മണവും വിയർപ്പിന്റെ ഗന്ധവുമുള്ള കർഷകനെ ചേർത്തുപിടിച്ചുകൊണ്ടാണ് കേരള സർക്കാരും കൃഷിവകുപ്പും മുന്നോട്ട് പോകുന്നതെന്നും കാലാവസ്ഥാ വ്യതിയാനത്തിന്റെ വെല്ലുവിളികളെ അതിജീവിച്ച് കാർഷിക മേഖലയെ കൂടുതൽ കരുത്തുറ്റതാക്കാൻ സർക്കാർ പ്രതിജ്ഞാബദ്ധമാണെന്നും ടി. സിദ്ദിഖ് നിയമസഭയിൽ വ്യക്തമാക്കി.
English Summary : Kerala Agriculture Minister T. Siddique announced in the Legislative Assembly that the state has requested a special financial assistance package from the Central Government. Severe global climate phenomena—including El Niño, Indian Ocean Dipole (IOD), and the Madden-Julian Oscillation (MHO)—have drastically disrupted Kerala's agricultural sector.
ചൈനയിലെ ചൂടില് കുമ്പളങ്ങക്ക് വന് ഡിമാന്റ്, കാരണം ഒരു പൂച്ച
കടുത്ത ചൂട് നേരിടുന്ന ചൈനയില് ഒരു പൂച്ചയുടെ ചിത്രം വൈറലായതോടെ കുമ്പളത്തിന് വില കൂടി. കുമ്പളങ്ങയുടെ മുകളില് കിടക്കുന്ന പൂച്ചയുടെ ചിത്രമാണ് ഈയിടെ സമൂഹ മാധ്യമങ്ങളില് വൈറലായത്. ചൈനീസ് ഡെയ്ലിയാണ് ഈ വാര്ത്ത ഇന്നലെ റിപ്പോര്ട്ട് ചെയ്തത്. കുമ്പളങ്ങയുടെ പ്രകൃതിദത്തമായ എയര് കണ്ടീഷനര് ശേഷിയുള്ളതിനാലാണ് കടുത്ത ചൂടില് പൂച്ച ഇത്തരത്തില് കിടക്കുന്നതെന്നായിരുന്നു പോസ്റ്റിന്റെ കാതല്.
ഇത് വൈറലായതോടെ ആളുകള് കുമ്പളങ്ങ വാങ്ങിക്കൂട്ടി. കുമ്പളങ്ങ ജ്യൂസ് ശരീരത്തിന് തണുപ്പു നല്കുമെന്നത് ചൈനീസ് പരമ്പരാഗത അറിവാണ്. ചൂടിനെ നേരിടാന് ആളുകള് കുമ്പളങ്ങ ജ്യൂസ് പതിവാക്കി. ഇതിനു പിന്നാലെ പലയിടത്തും പൂച്ചയും നായയും കുമ്പളങ്ങയുടെ മുകളില് കിടക്കുന്ന ചിത്രം സമൂഹ മാധ്യമങ്ങളില് നിറയാന് തുടങ്ങി. ഗാങ്ഡോങ്ങ് പ്രവിശ്യയിലെ ഫോഷനിലെ കര്ഷകന് പറയുന്നത് ഈയിടെ കുമ്പളങ്ങ കൂടുതല് എണ്ണം വിറ്റുപോകുന്നു എന്നും വില കൂടിയെന്നുമാണ്.
കുമ്പളങ്ങയിലെ ജലാംശവും മറ്റു ആരോഗ്യ ഗുണങ്ങളും കാരണം ജ്യൂസ് കുടിക്കുന്നത് തെക്കന് ചൈനിയില് പതിവാണ്. ചൂടിനെ നേരിടാന് ഇവിടത്തുകാര് ജ്യൂസുകളും സൂപ്പുകളുമാണ് ഇപ്പോള് പതിവായി സേവിക്കുന്നത്. ഫോഷന് സ്വദേശിയായ 65 കാരനായ കര്ഷന് ഒ യിങ്ക്യൂ പറയുന്നത് തന്റെ കുടുംബം പതിറ്റാണ്ടുകളായി കുമ്പളം കൃഷി ചെയ്യുന്നുണ്ടെങ്കിലും ഈ വേനലിലാണ് ഇത്രയും ഡിമാന്റ് ഉണ്ടായതെന്നാണ്.
ഇയാളുടെ ഒരു ഹെക്ടറിലെ 65 ശതമാനം പ്രദേശത്തും കുമ്പളങ്ങ കൃഷിയാണ്. 90 ദിവസം കൊണ്ടാണ് കുമ്പളങ്ങ വിളവെടുക്കാന് കഴിയുക. മെയ് പകുതിയിലോ ഓഗസ്റ്റ് തുടക്കമോ ആണ് സാധാരണ കുമ്പളങ്ങ വിളവെടുപ്പ് കാലം.
ദേശീയ സൂചികാ പദവി (National Geographical Indication) ലഭിച്ച ഒരു ഉല്പ്പന്നമാണ് സന്ഷൂയി കറുത്ത തൊലിയുള്ള കുമ്പളങ്ങ (Sanshui blackskinned wax gourd). നല്ല മിനുസമുള്ള കറുത്ത തൊലി, ഉറപ്പുള്ള കാമ്പ്, കൂടുതല് കാലം കേടുകൂടാതെ ഇരിക്കാനുള്ള ശേഷി എന്നിവയാണ് ഇതിന്റെ സവിശേഷതകള്. സാധാരണയായി ഒരു കുമ്പളങ്ങയ്ക്ക് 15 മുതല് 20 കിലോഗ്രാം വരെ ഭാരമുണ്ടാകാറുണ്ട്. എന്നാല് ഓ (Ou) വിളവെടുത്തതില് ഏറ്റവും വലിയ കുമ്പളങ്ങയ്ക്ക് ഏകദേശം 35 കിലോഗ്രാം ഭാരമുണ്ടായിരുന്നു.
ഈ കുമ്പളങ്ങയുടെ ഉറപ്പുള്ള കാമ്പിന് കാരണം സന്ഷൂയിയിലെ മണല് കലര്ന്ന ഫലഭൂയിഷ്ഠമായ മണ്ണാണെന്ന് 'ഓ' പറയുന്നു. മഴയും താപനിലയുമാണ് ഇവയുടെ വളര്ച്ചയെയും വില്പ്പനയെയും നിയന്ത്രിക്കുന്നത്; കനത്ത മഴ വിളവെടുപ്പിനെ ബാധിക്കുമെങ്കിലും, ഉയര്ന്ന ചൂട് ഇതിന്റെ ആവശ്യകത വര്ദ്ധിപ്പിക്കുന്നു.
കൂടുതല് കാലം കേടുകൂടാതെ ഇരിക്കാനുള്ള കഴിവ് കാരണം കുമ്പളങ്ങ പണ്ടുമുതലേ അടുക്കളകളിലെ ഒരു പ്രധാന വിഭവമാണ്. മുറിക്കാത്ത കുമ്പളങ്ങ ഈര്പ്പമില്ലാത്ത, വായുസഞ്ചാരമുള്ള സ്ഥലത്ത് സൂക്ഷിച്ചാല് മാസങ്ങളോളം—ഒരുപക്ഷേ വര്ഷാവസാനം വരെ—കേടുകൂടാതെ ഇരിക്കും. എന്നാല് ഒരിക്കല് മുറിച്ചുകഴിഞ്ഞാല്, ബാക്കിവരുന്നത് ഫ്രിഡ്ജില് സൂക്ഷിക്കുകയും ഉടന് തന്നെ ഉപയോഗിക്കുകയും വേണം.
ഇന്ന് ഫോഷാന്, ഗ്വാങ്ഷൂ തുടങ്ങിയ നഗരങ്ങളിലെ വിപണികളില് സന്ഷൂയി കുമ്പളങ്ങ സജീവമാണ്. കോള്ഡ് ചെയിന് സംവിധാനം വഴി അമേരിക്ക, സിംഗപ്പൂര് തുടങ്ങിയ വിദേശ രാജ്യങ്ങളിലേക്കും ഇവ കയറ്റുമതി ചെയ്യുന്നുണ്ട്.
നാട്ടുകാരെ സംബന്ധിച്ചിടത്തോളം, ഈ കുമ്പളങ്ങ ആസ്വദിക്കാനുള്ള ഏറ്റവും ലളിതമായ വഴി ഇതിന്റെ സൂപ്പ് ഉണ്ടാക്കുക എന്നതാണ്.
A tiny #cat hugging an oversized vegetable has become one of this summer's most unexpected online sensations in China.
— China Daily (@ChinaDaily) August 12, 2026
In images circulating on social media, a fluffy cat rests on top of a giant green wax gourd, draping its paws over the smooth surface as if embracing a "natural… pic.twitter.com/s1pRMOO2H1
'ഞങ്ങള് സാധാരണയായി കുമ്പളങ്ങ സൂപ്പാണ് ഉണ്ടാക്കാറുള്ളത്,' ഓ പറഞ്ഞു. വീട്ടില് അദ്ദേഹം കുമ്പളങ്ങയും പന്നിയിറച്ചിയും ചേര്ത്ത് സ്വാഭാവിക മധുരമുള്ള, ലളിതമായ സൂപ്പ് തയ്യാറാക്കുന്നു. ഉണ്ടാക്കുന്ന രീതി വളരെ ലളിതമാണ്: ആദ്യം കുമ്പളങ്ങ വേവിക്കുക, വെള്ളം തിളച്ചുമറിയുമ്പോള് ഇറച്ചി ചേര്ത്ത് 10 മിനിറ്റോളം വേവിച്ചെടുക്കുക.
'ഓരോ നേരത്തെയും ഭക്ഷണം അപ്പോള്ത്തന്നെ പുതിയതായി ഉണ്ടാക്കുന്നതാണ്. രാത്രി മുഴുവന് വെച്ചാല് ഇതിന്റെ രുചി മാറും,' അദ്ദേഹം കൂട്ടിച്ചേര്ത്തു.
ചെറുപ്പം മുതലേ 'ഓ'യുടെ ഭക്ഷണക്രമത്തിലെ ഒരു പ്രധാന വിഭവമാണിത്. മുന്പ് അദ്ദേഹത്തിന്റെ കുടുംബം സ്വന്തം ആവശ്യത്തിന് മാത്രമായിരുന്നു കുമ്പളങ്ങ കൃഷി ചെയ്തിരുന്നത്; ചൈനയിലെ സാമ്പത്തിക പരിഷ്കരണങ്ങള്ക്കും ഉദാരവല്ക്കരണത്തിനും ശേഷമാണ് അവര് ഇത് വാണിജ്യാടിസ്ഥാനത്തില് വില്ക്കാന് തുടങ്ങിയത്.
ഗ്വാങ്ഡോങ് പ്രദേശത്തുടനീളം, ഇത് പന്നിയിറച്ചി വാരിയെല്ലുകളോ ഉണക്കിയ സ്കൂളോപ്പുകളോ (dried scallops) ചേര്ത്ത് റോസ്റ്റ് ചെയ്യാറുണ്ട്. വേനല്ക്കാലത്തെ മറ്റൊരു പരമ്പരാഗത വിഭവം കുമ്പളങ്ങ താറാവിറച്ചിയും ഞവരയും (coix seeds) ചേര്ത്ത് ഉണ്ടാക്കുന്നതാണ്.
വിഭവങ്ങളുടെ തനത് മാറ്റ് ചോര്ന്നുപോകാതെ, ലളിതവും സമീകൃതവുമായ രുചികള് ഇഷ്ടപ്പെടുന്ന കന്റോണീസ് രീതിക്ക് ഉത്തമ ഉദാഹരണമാണ് ഈ പാചകക്കുറിപ്പുകള്.
കാലാവസ്ഥയ്ക്കനുസരിച്ച് ഭക്ഷണം കഴിക്കുന്ന ലിങ്നാന് (Lingnan) ശൈലിയെയും ഇത് വ്യക്തമാക്കുന്നു. ചൂട് ഉച്ചസ്ഥായിയിലെത്തുമ്പോഴാണ് കുമ്പളങ്ങ വിപണിയില് എത്തുന്നത്. അല്ലാതെ അപൂര്വതയോ ആഡംബരമോ കൊണ്ടല്ല, മറിച്ച് പ്രാദേശിക കാലാവസ്ഥയ്ക്കും ജീവിതരീതിക്കും ഏറ്റവും അനുയോജ്യമായതിനാലാണ് ഇത് ജനപ്രിയമായത്.
എങ്കിലും ഈ കൃഷി മുന്പോട്ടു കൊണ്ടുപോകുന്നത് വലിയ വെല്ലുവിളിയാണ്. പുതിയ തലമുറയിലെ യുവാക്കളാരും കൃഷിയിലേക്ക് വരുന്നില്ലെന്നും, നിലവിലുള്ള കര്ഷകരില് ഭൂരിഭാഗവും 50 വയസ്സിന് മുകളില് പ്രായമുള്ളവരാണെന്നും 'ഓ' പറഞ്ഞു.
ഇന്റര്നെറ്റിലെയും സോഷ്യല് മീഡിയയിലെയും പുതിയ ട്രെന്ഡുകള് വരുംതലമുറയ്ക്ക് പ്രചോദനമാകുമെന്നും, മണ്ണില് വിളയുന്ന ഈ ഭീമന്മാരുടെ മൂല്യം തിരിച്ചറിയാന് അവരെ സഹായിക്കുമെന്നും പ്രതീക്ഷിക്കാം.
