തുടർച്ചയായി അപകടങ്ങൾ ; മരണസംഖ്യ കൂടുന്നു, മഴക്കാലത്തെ വില്ലൻ 'ഹൈഡ്രോപ്ലാനിങ്'; ഡ്രൈവർമാർ ജാഗ്രതൈ!

തുടർച്ചയായി അപകടങ്ങൾ ;  മരണസംഖ്യ കൂടുന്നു, മഴക്കാലത്തെ വില്ലൻ 'ഹൈഡ്രോപ്ലാനിങ്'; ഡ്രൈവർമാർ ജാഗ്രതൈ!

മഴ തുടങ്ങിയതോടെ വാഹനാപകടങ്ങളും പെരുകുന്നു. അമിതവേഗതയിൽ മഴ സമയം വാഹനങ്ങൾ ഓടിക്കുന്നതാണ് പ്രധാനകാരണം. കഴിഞ്ഞ ദിവസം കാലിക്കറ്റ് യൂണിവേഴ്സിറ്റിക്ക് സമീപം നിയന്ത്രണം വിട്ട കാർ നിർത്തിയിട്ട ലോറിയിൽ ഇടിച്ച് മൂന്നുപേർ മരിച്ചു. തൃശ്ശൂർ സ്വദേശികളാണ് മരിച്ചത്.

ഇന്നലെ കുന്ദമംഗലം കോട്ടാംപറമ്പിൽ അംബുലൻസ് മറിഞ്ഞു രോഗി മരിച്ചു. ജാനകി (82 ) പെരിങ്ങളം ആണ് മരിച്ചത്. കനത്ത മഴയിൽ ആംബുലൻസ് നിയന്ത്രണം വിട്ടു മറിയുകയായിരുന്നു.

ഇന്ന് (ശനി ) രാവിലെ കൊണ്ടോട്ടി - പെരിയമ്പലത്ത് കൊട്ടിയൂർ തീർത്ഥാടകസംഘം സഞ്ചരിച്ച ട്രാവലർ അപകടത്തിൽപ്പെട്ട് 2 പേർ മരിച്ചു . നിരവധി പേർക്ക് പരുക്കേറ്റു. കോഴിക്കോട് മെഡിക്കൽ കോളേജിന് സമീപം ബൈക്ക് ബസ്സിലിടിച്ച് മായനാട് സ്വദേശിയായ 17 കാരൻ മരിച്ചു. മായനാട് തട്ടാരി അലി അഫാൻ  17 ആണ് മരിച്ചത്.
CCTV ദൃശ്യങ്ങൾ.

സാധാരണ സമയത്ത് വാഹനം ഓടിക്കുന്നതിനേക്കാൾ വളരെ വേഗത കുറച്ചു വേണം കനത്ത മഴയുള്ളപ്പോൾ പോകാൻ. ഹൈഡ്രോപ്ലെയിനിംഗ് എന്ന പ്രതിഭാസമാണ് വാഹനം മഴയിൽ തെന്നി അപകടങ്ങൾ ഉണ്ടാകാൻ കാരണം.

 അപകടത്തിൽ മരിച്ച അലി അഫാൻ 

ഇരുചക്രവാഹനം ആണെങ്കിലും, വലിയ വാഹനങ്ങൾ ആണെങ്കിലും ഈ പ്രതിഭാസം ഉടലെടുക്കും. വേഗത കൂടുമ്പോഴാണ് hydroplaning സാധ്യത കൂടുന്നത്. ടയറുകളുടെ കാര്യക്ഷമതയും കാറ്റും റോഡിൻ ൻ്റെ  മിനുസവും എല്ലാം ഇതിൽ ഘടകങ്ങളാണ്.

കേ‍ാഹിനൂരിൽ കാലിക്കറ്റ് സർവകലാശാലയ്ക്കു സമീപം ദേശീയപാത 66 ൽ ലോറിത്താവളത്തിനരികെ നിർത്തിയിട്ട ലോറിയിൽ കാറിടിച്ചാണ്
ദമ്പതികൾ ഉൾപ്പെടെ 3 പേർ മരിച്ചത്. തൃശൂർ പന്നിത്തടം നീണ്ടൂർ കേ‍ാട്ടപ്പുറത്ത് വീട്ടിൽ ഇബ്രാഹിമിന്റെ മകൻ ഷാഫിദ് (41), ഭാര്യ ഷഹീന (36), ഷഹീനയുടെ അമ്മാവന്റെ മകൾ ചങ്ങരംകുളം ആലങ്കോട് മംഗലത്ത് വീട്ടിൽ മജീദിന്റെയും സാജിതയുടെയും മകൾ ജഹാന ഷെറി‍ൻ (26) എന്നിവരാണു മരിച്ചത്.

  തേഞ്ഞിപ്പലം അപകട ദൃശ്യം

 അർധരാത്രിയോടെയാണ് അപകടം. കനത്ത മഴയിൽ വാഹനത്തിനു നിയന്ത്രണം നഷ്ടപ്പെടുകയായിരുന്നെന്നു കരുതുന്നു. കേ‍ാഴിക്കോട്ടേക്കു വിനേ‍ാദയാത്ര പേ‍ായി മടങ്ങുകയായിരുന്നു കുടുംബം.

ലോറിയുടെ പിൻഭാഗത്ത് ഇടിച്ചുകയറിയ കാർ പൂർണമായി തകർന്നു. ലോറി, മറ്റൊരു ലോറിയിൽ കെട്ടിവലിച്ചു മുന്നോട്ടു നീക്കിയശേഷം കാർ വെട്ടിപ്പൊളിച്ചാണു മൂവരെയും പുറത്തെടുത്തത്. ഉടൻ കോഴിക്കോട് മെഡിക്കൽ കോളജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ലോറിയുടെ പിൻഭാഗം തകർന്നു. ഡ്രൈവർ സുരക്ഷിതനാണ്.

ഷാഫിദ് ഒരാഴ്ച മുൻപാണു ദുബൈയിലെ ജോലിസ്ഥലത്തുനിന്നു പെരുന്നാൾ അവധിക്കു നാട്ടിലെത്തിയത്. അടുത്തയാഴ്ച മടങ്ങാനിരിക്കുകയായിരുന്നു. ചങ്ങരംകുളത്തുള്ള ഷഹീനയുടെ കുടുംബവീട്ടിൽനിന്നു ബന്ധുക്കൾക്കൊപ്പം രണ്ടു കാറുകളിലാണു യാത്ര പുറപ്പെട്ടത്. ദമ്പതികളുടെ മകൾ സൻസ ഫാത്തിമ (5) ബന്ധുക്കൾക്കൊപ്പം മറ്റൊരു കാറിലായിരുന്നു. മൂവരുടെയും മൃതദേഹങ്ങൾ കബറടക്കി.

എന്താണ് മഴക്കാലത്തെ വില്ലൻ 'ഹൈഡ്രോപ്ലാനിങ്'

കേരളത്തിൽ മഴക്കാലം സജീവമാകുന്നതോടെ റോഡപകടങ്ങളുടെ നിരക്കും വർധിക്കാറുണ്ട്. മഴയത്ത് വണ്ടിയോടിക്കുമ്പോൾ ഡ്രൈവർമാർ നേരിടുന്ന ഏറ്റവും വലിയ ഭീഷണികളിലൊന്നാണ് 'ഹൈഡ്രോപ്ലാനിങ്' (Hydroplaning) അഥവാ 'അക്വാപ്ലാനിങ്' (Aquaplaning). പലപ്പോഴും വലിയ അപകടങ്ങളിലേക്ക് നയിക്കുന്ന ഈ പ്രതിഭാസത്തെക്കുറിച്ചും അത് ഒഴിവാക്കാൻ ശ്രദ്ധിക്കേണ്ട കാര്യങ്ങളെക്കുറിച്ചും അറിഞ്ഞിരിക്കാം.

എന്താണ് ഹൈഡ്രോപ്ലാനിങ്?

​ലളിതമായി പറഞ്ഞാൽ, ടയറുകൾക്ക് റോഡുമായുള്ള സമ്പർക്കം പൂർണ്ണമായും നഷ്ടപ്പെട്ട് വാഹനം വെള്ളത്തിന് മുകളിലൂടെ വഴുതി നീങ്ങുന്ന അവസ്ഥയാണിത്.
​റോഡിൽ കെട്ടിക്കിടക്കുന്ന വെള്ളത്തിലൂടെ വാഹനം വേഗത്തിൽ ഓടിച്ചു പോകുമ്പോൾ, ടയറുകൾക്ക് അടിയിലെ വെള്ളം പൂർണ്ണമായി പുറന്തള്ളാൻ സാധിക്കാതെ വരുന്നു. ഇത് ടയറിനും റോഡിനും ഇടയിൽ ഒരു നേർത്ത ജലപാളി (Water layer) രൂപപ്പെടാൻ കാരണമാകും. ഇതോടെ വാഹനത്തിന്റെ നിയന്ത്രണം ഡ്രൈവർക്ക് നഷ്ടപ്പെടുന്നു. ഈ അവസ്ഥയിൽ ബ്രേക്ക് ചവിട്ടിയാലോ സ്റ്റിയറിങ് തിരിച്ചാലോ വാഹനം പ്രതികരിക്കില്ല.

ഹൈഡ്രോപ്ലാനിങ് സംഭവിക്കാൻ കാരണങ്ങൾ

• ​അമിത വേഗത: ഉയർന്ന വേഗതയിൽ പോകുമ്പോൾ ടയറുകൾക്ക് വെള്ളം വശങ്ങളിലേക്ക് മാറ്റി മുന്നോട്ട് പോകാൻ സമയം കിട്ടാതെ വരുന്നു.
• തേയ്മാനം സംഭവിച്ച ടയറുകൾ: ടയറിലെ വരമ്പുകൾ (Treads) ആണ് വെള്ളം പുറത്തേക്ക് കളയാൻ സഹായിക്കുന്നത്. ഇവ തേഞ്ഞുതീർന്ന ടയറുകളാണെങ്കിൽ അപകടസാധ്യത വളരെ കൂടുതലാണ്.
• റോഡിലെ വെള്ളക്കെട്ട്: റോഡിൽ അമിതമായി വെള്ളം കെട്ടിക്കിടക്കുന്നതും പെട്ടെന്നുള്ള കനത്ത മഴയും.

​ഹൈഡ്രോപ്ലാനിങ് ഒഴിവാക്കാൻ എന്തെല്ലാം ശ്രദ്ധിക്കണം?

• വേഗത കുറയ്ക്കുക: മഴ പെയ്യുമ്പോൾ സാധാരണ വേഗതയേക്കാൾ മൂന്നിലൊന്ന് (1/3) വേഗത കുറച്ച് മാത്രം വണ്ടിയോടിക്കുക.
• ടയറുകളുടെ അവസ്ഥ പരിശോധിക്കുക: ടയറുകളുടെ ത്രെഡ് (Tread depth) കൃത്യമായ അളവിലുണ്ടെന്ന് ഉറപ്പുവരുത്തുക. തേയ്മാനം വന്ന ടയറുകൾ മഴക്കാലത്തിന് മുൻപ് തന്നെ മാറ്റുക.
• കൃത്യമായ എയർ പ്രഷർ: ടയറുകളിൽ നിർമ്മാതാക്കൾ നിർദ്ദേശിച്ചിട്ടുള്ള വായുമർദ്ദം (Air pressure) എപ്പോഴും നിലനിർത്തുക. കാറ്റ് കുറവാണെങ്കിൽ ഹൈഡ്രോപ്ലാനിങ് സാധ്യത കൂടും.
  ​വെള്ളക്കെട്ടുകൾ ഒഴിവാക്കുക: റോഡിന്റെ വശങ്ങളിൽ വെള്ളം കെട്ടിക്കിടക്കുന്ന ഭാഗങ്ങളിലൂടെ വാഹനം വേഗത്തിൽ ഓടിക്കരുത്.
  ​ക്രൂയിസ് കൺട്രോൾ ഒഴിവാക്കുക: മഴയുള്ളപ്പോൾ വാഹനങ്ങളിലെ 'ക്രൂയിസ് കൺട്രോൾ' (Cruise Control) സംവിധാനം ഉപയോഗിക്കരുത്. ഇത് പെട്ടെന്ന് വാഹനത്തിന്റെ നിയന്ത്രണം തിരിച്ചുപിടിക്കുന്നത് തടസ്സപ്പെടുത്തും.
• ​സുരക്ഷിത അകലം പാലിക്കുക: മുന്നിലുള്ള വാഹനവുമായി സാധാരണയേക്കാൾ കൂടുതൽ അകലം പാലിക്കുക. പെട്ടെന്ന് ബ്രേക്ക് ചെയ്യേണ്ടി വന്നാൽ വഴുതിപ്പോകാനുള്ള സാധ്യത ഒഴിവാക്കാനാണിത്.

വാഹനം ഹൈഡ്രോപ്ലാനിങ്ങിൽ പെട്ടാൽ എന്ത് ചെയ്യണം?

നിർഭാഗ്യവശാൽ നിങ്ങളുടെ വാഹനം വഴുതാൻ തുടങ്ങിയാൽ പരിഭ്രാന്തരാകാതെ താഴെ പറയുന്ന കാര്യങ്ങൾ ചെയ്യുക

• പെട്ടെന്ന് ബ്രേക്ക് ചവിട്ടരുത്: പരിഭ്രാന്തരായി ബ്രേക്ക് പെഡലിൽ ശക്തമായി അമർത്തുന്നത് വാഹനം കൂടുതൽ കറങ്ങി മറിയാൻ (Skidding) കാരണമാകും.
  ​ആക്സിലറേറ്ററിൽ നിന്ന് കാൽ മാറ്റുക: വേഗത പതുക്കെ കുറയ്ക്കാൻ ആക്സിലറേറ്റർ കൊടുക്കുന്നത് നിർത്തുക.
• സ്റ്റിയറിങ് നേരെ പിടിക്കുക: സ്റ്റിയറിങ് പെട്ടെന്ന് വെട്ടിക്കരുത്. വാഹനം ഏത് ദിശയിലേക്കാണോ പോകുന്നത് ആ ദിശയിലേക്ക് മാത്രം സ്റ്റിയറിങ് പതുക്കെ തിരിക്കുക. ടയറുകൾക്ക് റോഡുമായി വീണ്ടും സമ്പർക്കം കിട്ടുന്നത് വരെ ഇത് തുടരുക.
  ​
• ഓർക്കുക: 'വേഗതയേക്കാൾ പ്രധാനം ജീവനാണ്'. ചെറിയൊരു ജാഗ്രതയിലൂടെ മഴക്കാലത്തെ വലിയൊരു അപകടത്തിൽ നിന്ന് നമുക്ക് സ്വയം രക്ഷപ്പെടാം.

English Summary: Monsoon Menace: Rising Road Fatalities in Kerala Blamed on 'Hydroplaning'; Drivers Urged to Exercise Extreme Caution. Experts attribute these slippery accidents to a phenomenon called Hydroplaning (or Aquaplaning). This occurs when a layer of water builds up between the vehicle’s tires and the road surface, causing a total loss of traction. When a vehicle hydroplanes

വേനൽച്ചൂടിന് ആശ്വാസമായി യുഎഇയിൽ ശക്തമായ മഴ; ഖോർഫക്കാൻ മലനിരകളിൽ വിസ്മയമായി വെള്ളച്ചാട്ടം

കടുത്ത വേനൽച്ചൂടിൽ (Summer Heat) വലയുന്ന യുഎഇ നിവാസികൾക്ക് ആശ്വാസമായി UAEരാജ്യത്തിന്റെ കിഴക്കൻ മേഖലകളിൽ ശക്തമായ മഴ (Heavy Rainfall) പെയ്തു. മഴയെ തുടർന്ന് ജനപ്രിയ വിനോദസഞ്ചാര കേന്ദ്രമായ ഖോർഫക്കാൻ (Khorfakkan) മലനിരകളിലും ഫുജൈറ (Fujairah) പർവ്വതപ്രദേശങ്ങളിലും പ്രകൃതിദത്ത വെള്ളച്ചാട്ടങ്ങൾ (Natural Waterfalls) രൂപപ്പെട്ടത് പ്രദേശത്തെ അതീവ മനോഹരമാക്കി.

വെള്ളച്ചാട്ടങ്ങൾ കാണാൻ ജനത്തിരക്ക്

ഇന്ന് (ഞായറാഴച്ച) ഉച്ചയ്ക്കും വൈകുന്നേരത്തുമായി പെയ്ത ശക്തമായ മഴയിൽ മലമുകളിൽ നിന്നും ഒഴുകിയിറങ്ങിയ ജലധാരകൾ നിരവധി ഭാഗങ്ങളിൽ താൽക്കാലിക വെള്ളച്ചാട്ടങ്ങളായി മാറി. ഈ കാഴ്ച ആസ്വദിക്കാൻ കുടുംബങ്ങളോടൊപ്പം നിരവധി പേർ പ്രദേശങ്ങളിലേക്ക് ഒഴുകിയെത്തി.

കുട്ടികളും യുവാക്കളും വെള്ളച്ചാട്ടങ്ങൾക്കു സമീപം സമയം ചെലവഴിക്കുകയും ഒഴുകിയെത്തിയ ശുദ്ധജലത്തിൽ കളിച്ചും ആഘോഷിച്ചും മഴയെ വരവേൽക്കുകയും ചെയ്തു. സമൂഹമാധ്യമങ്ങളിലൂടെയും (Social Media) മഴയുടെ ദൃശ്യങ്ങൾ വ്യാപകമായി പ്രചരിക്കുകയാണ്.

ഫുജൈറ റോഡിൽ ഗതാഗത തടസം

ഫുജൈറയിലേക്കുള്ള പ്രധാന പാതയായ ഷെയ്ഖ് ഖലീഫ സ്ട്രീറ്റിന് (Sheikh Khalifa Street) സമീപമുള്ള പ്രദേശങ്ങളിൽ മഴ ശക്തമായതോടെ കാഴ്ചാപരിധി (Visibility) ഗണ്യമായി കുറഞ്ഞു. ശക്തമായ കാറ്റും മഴയും കാരണം ചിലയിടങ്ങളിൽ വാഹനഗതാഗതം മന്ദഗതിയിലാവുകയും യാത്രക്കാർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകുകയും ചെയ്തു.

റോഡുകളിൽ വെള്ളം കെട്ടിനിന്ന സാഹചര്യത്തിൽ വേഗത കുറച്ച് വാഹനമോടിക്കാനും മഴക്കാല സുരക്ഷാ നിർദേശങ്ങൾ പാലിക്കാനും ബന്ധപ്പെട്ട വകുപ്പുകൾ അഭ്യർഥിച്ചു.

മഴയുടെ ഫലമായി കിഴക്കൻ മേഖലകളിലെ നിരവധി വാദികൾ (Wadis) നിറഞ്ഞൊഴുകുകയാണ്. സാധാരണയായി വരണ്ടുകിടക്കുന്ന ഈ താഴ്‌വരകളിലൂടെ ശക്തമായ ജലപ്രവാഹം രൂപപ്പെട്ടത് പ്രദേശവാസികൾക്കും വിനോദസഞ്ചാരികൾക്കും കൗതുകമായി.

എന്നാൽ വാദികളിലേക്കും മലഞ്ചെരിവുകളിലേക്കും അനാവശ്യമായി ഇറങ്ങരുതെന്നും പെട്ടെന്നുള്ള വെള്ളപ്പാച്ചിലിന് (Flash Flood) സാധ്യതയുണ്ടെന്നും അധികൃതർ മുന്നറിയിപ്പ് നൽകി.

മൺസൂൺ സ്വാധീനത്തിന്റെ ഫലം

കാലാവസ്ഥാ വിദഗ്ധരുടെ വിലയിരുത്തൽ പ്രകാരം ഇന്ത്യയിൽ നിന്നുള്ള തെക്കുപടിഞ്ഞാറൻ മൺസൂണിന്റെ (Southwest Monsoon) സ്വാധീനവും അറബിക്കടലിൽ രൂപപ്പെട്ട ഈർപ്പസാന്നിധ്യവുമാണ് യുഎഇയുടെ കിഴക്കൻ മേഖലകളിൽ വേനൽക്കാല മഴയ്ക്ക് കാരണമായത്.

പ്രത്യേകിച്ച് ഒമാൻ ഉൾക്കടലിനോട് ചേർന്ന പർവ്വതപ്രദേശങ്ങളിൽ മേഘസാന്ദ്രത വർധിച്ചതോടെ ഇടിമിന്നലോടുകൂടിയ മഴ ലഭിക്കുകയായിരുന്നു. രാജ്യത്തിന്റെ മറ്റ് ചില ഭാഗങ്ങളിലും കാർമേഘങ്ങൾ രൂപപ്പെടുകയും നേരിയ മഴ രേഖപ്പെടുത്തുകയും ചെയ്തു.

റെക്കോർഡ് മഴയ്ക്ക് ശേഷമുള്ള പ്രധാന വേനൽമഴ

സമീപകാലത്ത് രേഖപ്പെടുത്തിയ റെക്കോർഡ് മഴയ്ക്ക് (Record Rainfall) ശേഷം ലഭിക്കുന്ന പ്രധാന വേനൽമഴയായാണ് ഇതിനെ വിലയിരുത്തുന്നത്. മുമ്പ് അൽ തവിയീൻ (Al Tawyeen), അൽ മർജാൻ (Al Marjan), ഖോർഫക്കാൻ മേഖലകളിൽ കനത്ത മഴ ലഭിച്ചതിനെ തുടർന്ന് റോഡുകളിൽ വെള്ളക്കെട്ടും ഗതാഗത തടസവും രൂപപ്പെട്ടിരുന്നു.

പ്രവാസികൾക്കും സ്വദേശികൾക്കും ആശ്വാസം

ദിവസങ്ങളായി 40 ഡിഗ്രി സെൽഷ്യസിന് മുകളിലുള്ള താപനില അനുഭവപ്പെട്ടിരുന്ന സാഹചര്യത്തിൽ ഈ അപ്രതീക്ഷിത മഴ പ്രവാസികൾക്കും സ്വദേശികൾക്കും ഒരുപോലെ ആശ്വാസമായി. മഴയെത്തുടർന്ന് പല പ്രദേശങ്ങളിലും അന്തരീക്ഷ താപനില കുറയുകയും ശീതളമായ കാലാവസ്ഥ അനുഭവപ്പെടുകയും ചെയ്തു.

വേനൽച്ചൂടിൽ നിന്ന് താൽക്കാലിക മോചനം സമ്മാനിച്ച ഈ മഴയും മലനിരകളിൽ രൂപപ്പെട്ട മനോഹരമായ വെള്ളച്ചാട്ടങ്ങളും യുഎഇയുടെ കിഴക്കൻ മേഖലകളെ വീണ്ടും പ്രകൃതി സൗന്ദര്യത്തിന്റെ കേന്ദ്രമാക്കി മാറ്റിയിരിക്കുകയാണ്. 

English Summary : Heavy rainfall lashed the eastern regions of the UAE, including Khorfakkan and Fujairah, bringing much-needed relief from the scorching summer temperatures that had been soaring above 40°C.