2015 ന് ശേഷമുള്ള ഏറ്റവും വരണ്ട വർഷമാകാൻ 2026 ? രാജ്യത്ത് ഇത്തവണ കാലവർഷം കുറയും; ഭീഷണിയായി El Niño

2015 ന് ശേഷമുള്ള ഏറ്റവും വരണ്ട വർഷമാകാൻ 2026 ? രാജ്യത്ത് ഇത്തവണ കാലവർഷം കുറയും; ഭീഷണിയായി El Niño

രാജ്യം കടുത്ത ആശങ്കയിലേക്ക് എന്ന സൂചന നൽകി ഈ വർഷത്തെ തെക്കുപടിഞ്ഞാറൻ മൺസൂൺ (കാലവർഷം) സാധാരണയേക്കാൾ കുറവായിരിക്കുമെന്ന് ഇന്ത്യൻ കാലാവസ്ഥാ വകുപ്പിന്റെ (IMD) മുന്നറിയിപ്പ്. 

ദീർഘകാല ശരാശരിയുടെ ( Long Period Average - LPA ) 90 ശതമാനം മഴ മാത്രമേ ഇത്തവണ രാജ്യത്ത് ലഭിക്കാൻ സാധ്യതയുള്ളൂ എന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പുതുക്കിയ പ്രവചനം. ഇതോടെ, 2015-ന് ശേഷമുള്ള ഏറ്റവും വരണ്ട വർഷമായി 2026 മാറിയേക്കുമെന്നാണ് വിലയിരുത്തൽ.

കാലാവസ്ഥ വകുപ്പിന്റെ 2026 ജൂൺ മാസത്തെ മഴ പ്രവചനം Image : IMD

നേരത്തെ ഏപ്രിൽ മാസത്തിൽ പുറത്തുവിട്ട പ്രവചനത്തിൽ 92 ശതമാനം മഴ ലഭിക്കുമെന്നാണ് ഐ.എം.ഡി അറിയിച്ചിരുന്നതെങ്കിലും പശ്ചിമ വാതത്തിൻ്റെയും (Western Disturbance) എൽ നിനോ (El Nino) പ്രതിഭാസത്തിന്റെയും സ്വാധീനം മൂലം പ്രവചനം പുതുക്കുകയായിരുന്നു.

മഴ കുറയാൻ കാരണം 'എൽ നിനോ'

കാലവർഷം വൈകുന്നതും
അന്തരീക്ഷത്തിലുണ്ടായ അപ്രതീക്ഷിത തടസ്സങ്ങളും കാരണം മൺസൂണിന്റെ ശക്തി കുറഞ്ഞതാണ് തുടക്കത്തിൽ തന്നെ തിരിച്ചടിയായത്. ഇത്തവണ കാലവർഷം നേരത്തെ എത്തുമെന്ന് കാലാവസ്ഥ വകുപ്പ് പ്രവചിച്ചിരുന്നു. എന്നാൽ ഇത് സംഭവിച്ചില്ല. 

ഇതിനുപുറമേ, അടുത്ത മാസം പസഫിക് സമുദ്രത്തിൽ രൂപപ്പെടാൻ സാധ്യതയുള്ള എൽ നിനോ പ്രതിഭാസമാണ് കാലവർഷം മഴ കുറയ്ക്കുന്ന  പ്രധാന വില്ലൻ. മേയ് 26-ഓടെ സജീവമാകേണ്ടിയിരുന്ന മൺസൂൺ കാറ്റുകൾ നിലവിൽ ദുർബലമാണ്. 

യൂറോപ്യൻ കാലാവസ്ഥാ മോഡലുകൾ (ECMWF) സൂചിപ്പിക്കുന്നത് കർണാടക തീരം മുതൽ വടക്കോട്ട് രൂപപ്പെടുന്ന ന്യൂനമർദ പാത്തി മധ്യകേരളത്തിൽ മിതമായതോ ശക്തമായതോ ആയ മഴയ്ക്ക് കാരണമാകുമെന്നാണ്.

എങ്കിലും ജൂൺ 4-5 തീയതികളിലേക്ക് മാത്രമേ കേരളത്തിൽ കാലവർഷം പൂർണ്ണമായി എത്തുവാൻ സാധ്യതയുള്ളൂ. ജൂൺ നാലിന് കാലവർഷം എല്ലാ മാനദണ്ഡങ്ങളും പൂർത്തിയാക്കി കേരളത്തിൽ എത്തും എന്നാണ് Metbeat Weather കഴിഞ്ഞദിവസം അറിയിച്ചിരുന്നത്. അതിൻ്റെ വിശദാംശങ്ങൾ താഴെ വായിക്കാം.

കേരളത്തെയും കർണാടകത്തെയും എങ്ങനെ ബാധിക്കും?

ജൂൺ 8 മുതൽ 15 വരെയുള്ള കാലയളവിൽ മൺസൂണിന്റെ പ്രാരംഭ വേഗതയും പുരോഗതിയും നഷ്ടപ്പെടാൻ സാധ്യതയുണ്ട്. ഇതോടെ മഴ പ്രധാനമായും കേരളത്തിലെയും കർണാടകത്തിലെയും തീരദേശ മേഖലകളിൽ മാത്രമായി ഒതുങ്ങും. രാജ്യത്തിന്റെ കാർഷിക മേഖലയുടെ നട്ടെല്ലാ മധ്യേന്ത്യയിലെ പല ഭാഗങ്ങളിലും ദീർഘകാല ശരാശരിയുടെ 94 ശതമാനത്തിൽ താഴെ മാത്രമേ മഴ ലഭിക്കൂ എന്നാണ് ഐ.എം.ഡി ഡയരക്ടർ ജനറൽ മൃത്യുഞ്ജയ് മോഹപത്ര വ്യക്തമാക്കുന്നത്.

 "രാജ്യത്തിന്റെ തെക്ക്, മധ്യ, വടക്കുപടിഞ്ഞാറൻ മേഖലകളിൽ ഇത്തവണ സാധാരണയേക്കാൾ കുറവ് മഴയായിരിക്കും ലഭിക്കുക. എന്നാൽ കിഴക്കൻ, വടക്കുകിഴക്കൻ സംസ്ഥാനങ്ങളിൽ സാധാരണ രീതിയിലുള്ള മഴ (LPA-യുടെ 94-106%) ലഭിക്കാൻ സാധ്യതയുണ്ട്." എന്ന് അദ്ദേഹം പറഞ്ഞു. 

മുൻവർഷങ്ങളിലെ കണക്കുകൾ ഇങ്ങനെ (മഴയുടെ ശതമാനം - LPA)

ഐ.എം.ഡിയുടെ കണക്കുകൾ പ്രകാരം ഇതിനുമുമ്പ് കടുത്ത വരൾച്ചയും ദീർഘകാല വരണ്ട കാലാവസ്ഥയും നേരിട്ട വർഷങ്ങൾ താഴെ പറയുന്നവയാണ്

 2015  : 86% മഴ (ഏറ്റവും കുറവ്)
 2014 : 88% മഴ
 1991 : 90% മഴ
 2023 : 92% മഴ
 2026 (പ്രവചനം) :  90% മഴ

ഇന്ത്യയുടെ വാർഷിക മഴയുടെ 75 ശതമാനത്തിലധികവും സംഭാവന ചെയ്യുന്നത് തെക്കുപടിഞ്ഞാറൻ മൺസൂണാണ്. ഇതിൽ ഉണ്ടാകുന്ന കുറവ് രാജ്യത്തെ കാർഷിക മേഖലയെയും ജലസംഭരണികളിലെ നീരൊഴുക്കിനെയും വരും ദിവസങ്ങളിൽ സാരമായി ബാധിച്ചേക്കാം.

കേരളത്തിലെയും രാജ്യത്തെയും കൃത്യമായ കാലാവസ്ഥാ മാറ്റങ്ങളും തത്സമയ മഴ മുന്നറിയിപ്പുകളും ഉടനടി അറിയാൻ Metbeat News വെബ്‌സൈറ്റും സോഷ്യൽ മീഡിയ പേജുകളും പിന്തുടരുക. ഞങ്ങളുടെ വാട്സ്ആപ്പ് ചാനലിൽ ഫോളോ ചെയ്യാൻ ഇവിടെ ക്ലിക്ക് ചെയ്യുക. 

Keywords: Kerala Monsoon 2026, South West Monsoon India, IMD Weather Forecast, Rain Deficiency Kerala, El Nino Impact India, Metbeat Weather Updates Malayalam. 

English Summary : India Faces Driest Year Since 2015: IMD Scales Down Monsoon Forecast to 90% of LPA Amid El Niño Threat. India Meteorological Department (IMD) has downgraded its South-West monsoon rainfall projection to 90% of the Long Period Average (LPA), signaling that 2026 could be the country's driest year in 11 years (since 2015).

വേനൽച്ചൂടിന് ആശ്വാസമായി യുഎഇയിൽ ശക്തമായ മഴ; ഖോർഫക്കാൻ മലനിരകളിൽ വിസ്മയമായി വെള്ളച്ചാട്ടം

കടുത്ത വേനൽച്ചൂടിൽ (Summer Heat) വലയുന്ന യുഎഇ നിവാസികൾക്ക് ആശ്വാസമായി UAEരാജ്യത്തിന്റെ കിഴക്കൻ മേഖലകളിൽ ശക്തമായ മഴ (Heavy Rainfall) പെയ്തു. മഴയെ തുടർന്ന് ജനപ്രിയ വിനോദസഞ്ചാര കേന്ദ്രമായ ഖോർഫക്കാൻ (Khorfakkan) മലനിരകളിലും ഫുജൈറ (Fujairah) പർവ്വതപ്രദേശങ്ങളിലും പ്രകൃതിദത്ത വെള്ളച്ചാട്ടങ്ങൾ (Natural Waterfalls) രൂപപ്പെട്ടത് പ്രദേശത്തെ അതീവ മനോഹരമാക്കി.

വെള്ളച്ചാട്ടങ്ങൾ കാണാൻ ജനത്തിരക്ക്

ഇന്ന് (ഞായറാഴച്ച) ഉച്ചയ്ക്കും വൈകുന്നേരത്തുമായി പെയ്ത ശക്തമായ മഴയിൽ മലമുകളിൽ നിന്നും ഒഴുകിയിറങ്ങിയ ജലധാരകൾ നിരവധി ഭാഗങ്ങളിൽ താൽക്കാലിക വെള്ളച്ചാട്ടങ്ങളായി മാറി. ഈ കാഴ്ച ആസ്വദിക്കാൻ കുടുംബങ്ങളോടൊപ്പം നിരവധി പേർ പ്രദേശങ്ങളിലേക്ക് ഒഴുകിയെത്തി.

കുട്ടികളും യുവാക്കളും വെള്ളച്ചാട്ടങ്ങൾക്കു സമീപം സമയം ചെലവഴിക്കുകയും ഒഴുകിയെത്തിയ ശുദ്ധജലത്തിൽ കളിച്ചും ആഘോഷിച്ചും മഴയെ വരവേൽക്കുകയും ചെയ്തു. സമൂഹമാധ്യമങ്ങളിലൂടെയും (Social Media) മഴയുടെ ദൃശ്യങ്ങൾ വ്യാപകമായി പ്രചരിക്കുകയാണ്.

ഫുജൈറ റോഡിൽ ഗതാഗത തടസം

ഫുജൈറയിലേക്കുള്ള പ്രധാന പാതയായ ഷെയ്ഖ് ഖലീഫ സ്ട്രീറ്റിന് (Sheikh Khalifa Street) സമീപമുള്ള പ്രദേശങ്ങളിൽ മഴ ശക്തമായതോടെ കാഴ്ചാപരിധി (Visibility) ഗണ്യമായി കുറഞ്ഞു. ശക്തമായ കാറ്റും മഴയും കാരണം ചിലയിടങ്ങളിൽ വാഹനഗതാഗതം മന്ദഗതിയിലാവുകയും യാത്രക്കാർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകുകയും ചെയ്തു.

റോഡുകളിൽ വെള്ളം കെട്ടിനിന്ന സാഹചര്യത്തിൽ വേഗത കുറച്ച് വാഹനമോടിക്കാനും മഴക്കാല സുരക്ഷാ നിർദേശങ്ങൾ പാലിക്കാനും ബന്ധപ്പെട്ട വകുപ്പുകൾ അഭ്യർഥിച്ചു.

മഴയുടെ ഫലമായി കിഴക്കൻ മേഖലകളിലെ നിരവധി വാദികൾ (Wadis) നിറഞ്ഞൊഴുകുകയാണ്. സാധാരണയായി വരണ്ടുകിടക്കുന്ന ഈ താഴ്‌വരകളിലൂടെ ശക്തമായ ജലപ്രവാഹം രൂപപ്പെട്ടത് പ്രദേശവാസികൾക്കും വിനോദസഞ്ചാരികൾക്കും കൗതുകമായി.

എന്നാൽ വാദികളിലേക്കും മലഞ്ചെരിവുകളിലേക്കും അനാവശ്യമായി ഇറങ്ങരുതെന്നും പെട്ടെന്നുള്ള വെള്ളപ്പാച്ചിലിന് (Flash Flood) സാധ്യതയുണ്ടെന്നും അധികൃതർ മുന്നറിയിപ്പ് നൽകി.

മൺസൂൺ സ്വാധീനത്തിന്റെ ഫലം

കാലാവസ്ഥാ വിദഗ്ധരുടെ വിലയിരുത്തൽ പ്രകാരം ഇന്ത്യയിൽ നിന്നുള്ള തെക്കുപടിഞ്ഞാറൻ മൺസൂണിന്റെ (Southwest Monsoon) സ്വാധീനവും അറബിക്കടലിൽ രൂപപ്പെട്ട ഈർപ്പസാന്നിധ്യവുമാണ് യുഎഇയുടെ കിഴക്കൻ മേഖലകളിൽ വേനൽക്കാല മഴയ്ക്ക് കാരണമായത്.

പ്രത്യേകിച്ച് ഒമാൻ ഉൾക്കടലിനോട് ചേർന്ന പർവ്വതപ്രദേശങ്ങളിൽ മേഘസാന്ദ്രത വർധിച്ചതോടെ ഇടിമിന്നലോടുകൂടിയ മഴ ലഭിക്കുകയായിരുന്നു. രാജ്യത്തിന്റെ മറ്റ് ചില ഭാഗങ്ങളിലും കാർമേഘങ്ങൾ രൂപപ്പെടുകയും നേരിയ മഴ രേഖപ്പെടുത്തുകയും ചെയ്തു.

റെക്കോർഡ് മഴയ്ക്ക് ശേഷമുള്ള പ്രധാന വേനൽമഴ

സമീപകാലത്ത് രേഖപ്പെടുത്തിയ റെക്കോർഡ് മഴയ്ക്ക് (Record Rainfall) ശേഷം ലഭിക്കുന്ന പ്രധാന വേനൽമഴയായാണ് ഇതിനെ വിലയിരുത്തുന്നത്. മുമ്പ് അൽ തവിയീൻ (Al Tawyeen), അൽ മർജാൻ (Al Marjan), ഖോർഫക്കാൻ മേഖലകളിൽ കനത്ത മഴ ലഭിച്ചതിനെ തുടർന്ന് റോഡുകളിൽ വെള്ളക്കെട്ടും ഗതാഗത തടസവും രൂപപ്പെട്ടിരുന്നു.

പ്രവാസികൾക്കും സ്വദേശികൾക്കും ആശ്വാസം

ദിവസങ്ങളായി 40 ഡിഗ്രി സെൽഷ്യസിന് മുകളിലുള്ള താപനില അനുഭവപ്പെട്ടിരുന്ന സാഹചര്യത്തിൽ ഈ അപ്രതീക്ഷിത മഴ പ്രവാസികൾക്കും സ്വദേശികൾക്കും ഒരുപോലെ ആശ്വാസമായി. മഴയെത്തുടർന്ന് പല പ്രദേശങ്ങളിലും അന്തരീക്ഷ താപനില കുറയുകയും ശീതളമായ കാലാവസ്ഥ അനുഭവപ്പെടുകയും ചെയ്തു.

വേനൽച്ചൂടിൽ നിന്ന് താൽക്കാലിക മോചനം സമ്മാനിച്ച ഈ മഴയും മലനിരകളിൽ രൂപപ്പെട്ട മനോഹരമായ വെള്ളച്ചാട്ടങ്ങളും യുഎഇയുടെ കിഴക്കൻ മേഖലകളെ വീണ്ടും പ്രകൃതി സൗന്ദര്യത്തിന്റെ കേന്ദ്രമാക്കി മാറ്റിയിരിക്കുകയാണ്. 

English Summary : Heavy rainfall lashed the eastern regions of the UAE, including Khorfakkan and Fujairah, bringing much-needed relief from the scorching summer temperatures that had been soaring above 40°C.