Kerala Coastal Alert: കള്ളക്കടൽ ജാഗ്രത; മൂന്ന് ജില്ലകളിൽ കടലാക്രമണത്തിനും ശക്തമായ കാറ്റിനും സാധ്യത

കള്ളക്കടൽ ജാഗ്രത; മൂന്ന് ജില്ലകളിൽ കടലാക്രമണത്തിനും ശക്തമായ കാറ്റിനും സാധ്യത

കള്ളക്കടൽ പ്രതിഭാസത്തിന്റെ (Swell Waves) ഭാഗമായി സംസ്ഥാനത്തെ മൂന്ന് ജില്ലകളിലെ തീരങ്ങളിൽ കടലാക്രമണത്തിന് സാധ്യതയെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. തിരുവനന്തപുരം, കൊല്ലം, ആലപ്പുഴ ജില്ലകളിലെ തിരഞ്ഞെടുത്ത തീരപ്രദേശങ്ങളിലാണ് ജാഗ്രത നിർദേശം. 

1.6 മീറ്റർ വരെ ഉയരത്തിൽ തിരമാല

തിരുവനന്തപുരം കാപ്പിൽ മുതൽ പൊഴിയൂർ വരെ, കൊല്ലം ആലപ്പാട്ട് മുതൽ ഇടവ വരെ, ആലപ്പുഴ ചെല്ലാനം മുതൽ അഴീക്കൽ ജെട്ടി വരെ തീരങ്ങളിൽ ഇന്ന് (ഓഗസ്റ്റ് 11) രാത്രി 8.30 മുതൽ ഓഗസ്റ്റ് 12 രാത്രി 11.30 വരെ 1.1 മുതൽ 1.6 മീറ്റർ വരെ ഉയരമുള്ള തിരമാലകൾക്ക് (High Waves) സാധ്യതയുണ്ട്. ഇതിന്റെ ഭാഗമായി കടലാക്രമണത്തിനും സാധ്യതയുണ്ടെന്നാണ് മുന്നറിയിപ്പ്.

കന്യാകുമാരി തീരത്തും ജാഗ്രത

കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരത്തും കടലാക്രമണ സാധ്യതയുണ്ട്. ഇന്ന് മുതൽ ഓഗസ്റ്റ് 13 രാവിലെ 5.30 വരെ 1.3 മുതൽ 1.7 മീറ്റർ വരെ ഉയരമുള്ള തിരമാലകൾക്ക് സാധ്യതയുണ്ടെന്നാണ് INCOIS മുന്നറിയിപ്പ്.

കടലാക്രമണ സാധ്യത കണക്കിലെടുത്ത് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. കടൽക്ഷോഭമുള്ള സമയത്ത് തീരത്തേക്ക് പോകുന്നതും കടലിൽ ഇറങ്ങുന്നതും ഒഴിവാക്കണം.

കേരള തീരത്ത് മത്സ്യബന്ധനത്തിന് തടസമില്ല

അതേസമയം, കേരളം, കർണാടകം, ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു. എന്നാൽ വിവിധ സമുദ്രമേഖലകളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ മുന്നറിയിപ്പുള്ള മേഖലകളിൽ മത്സ്യബന്ധനത്തിന് പോകരുതെന്ന് നിർദേശമുണ്ട്.

അറബിക്കടലിലും ശക്തമായ കാറ്റിന് സാധ്യത

ഓഗസ്റ്റ് 11, 13 മുതൽ 15 വരെ സോമാലിയ–ഒമാൻ തീരം, മധ്യ-പടിഞ്ഞാറൻ അറബിക്കടൽ, തെക്ക്-പടിഞ്ഞാറൻ അറബിക്കടൽ, വടക്കൻ അറബിക്കടൽ, മധ്യ-കിഴക്കൻ അറബിക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെ, ചില അവസരങ്ങളിൽ 65 കിലോമീറ്റർ വരെ വേഗതയിൽ ശക്തമായ കാറ്റിന് (Strong Winds) സാധ്യതയുണ്ട്. ഓഗസ്റ്റ് 12നും സോമാലിയ–ഒമാൻ തീരം ഉൾപ്പെടെയുള്ള അറബിക്കടൽ മേഖലകളിൽ സമാന രീതിയിൽ ശക്തമായ കാറ്റിന് സാധ്യതയുണ്ട്.

ബംഗാൾ ഉൾക്കടലിലും കാറ്റ് ശക്തമാകും

ഓഗസ്റ്റ് 11ന് തെക്ക്-പടിഞ്ഞാറൻ ബംഗാൾ ഉൾക്കടൽ, തെക്കൻ ശ്രീലങ്കൻ തീരം, കന്യാകുമാരി പ്രദേശം, മധ്യ-കിഴക്കൻ ബംഗാൾ ഉൾക്കടൽ, വടക്കൻ ബംഗാൾ ഉൾക്കടൽ എന്നിവിടങ്ങളിൽ മണിക്കൂറിൽ 45–55 കിലോമീറ്റർ വരെ, ചില അവസരങ്ങളിൽ 65 കിലോമീറ്റർ വരെ വേഗതയിൽ കാറ്റിന് സാധ്യതയുണ്ട്. ഓഗസ്റ്റ് 13 മുതൽ 15 വരെ തെക്ക്-പടിഞ്ഞാറൻ ബംഗാൾ ഉൾക്കടൽ, തെക്കൻ ശ്രീലങ്കൻ തീരം, തെക്കൻ തമിഴ്നാട് തീരം, കന്യാകുമാരി പ്രദേശം എന്നിവിടങ്ങളിലും ശക്തമായ കാറ്റ് തുടരും.

മഹാരാഷ്ട്ര തീരത്തും മുന്നറിയിപ്പ്

ഓഗസ്റ്റ് 11, 12 തീയതികളിൽ വടക്കൻ മഹാരാഷ്ട്ര തീരത്തും സമീപ സമുദ്രമേഖലകളിലും മണിക്കൂറിൽ 40–50 കിലോമീറ്റർ വരെ, ചില അവസരങ്ങളിൽ 60 കിലോമീറ്റർ വരെ വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും (Bad Weather) സാധ്യതയുണ്ട്.

മുന്നറിയിപ്പ് ബാധകമായ സമുദ്രമേഖലകളിൽ നിർദേശിച്ച തീയതികളിൽ മത്സ്യബന്ധനത്തിന് പോകരുത്. മുന്നറിയിപ്പുള്ള സമുദ്രമേഖലകളുടെ കൃത്യമായ വിവരങ്ങൾക്കായി അധികൃതർ നൽകിയ ഭൂപടം പരിശോധിക്കണമെന്നും നിർദേശമുണ്ട്. 

English Summary : The Indian National Centre for Ocean Information Services (INCOIS) has issued a high wave and coastal erosion warning for select coastal stretches in Kerala and Tamil Nadu due to the "Kallakkadal" (swell wave) phenomenon.

നേപ്പാളിനെ നടുക്കിയ ആ ദുരന്തത്തിന് പിന്നിൽ 'ഗ്ലോഫ്'; ഒരു തുള്ളി മഴപോലുമില്ലാതെ അതിർത്തി തകർത്ത മലവെള്ളപ്പാച്ചിൽ: വിശദമായി അറിയാം

മെറ്റ്‌ബീറ്റ് ന്യൂസ് ഡെസ്ക്

ഒരു തുള്ളി മഴപോലും പെയ്യാതെ, തെളിഞ്ഞ ആകാശത്തിനു താഴെ നിന്ന മനുഷ്യരെ നിമിഷനേരം കൊണ്ട് പ്രകൃതി വിറപ്പിച്ചു നിർത്തിയ കാഴ്ചയ്ക്കാണ് നേപ്പാളിലെ റസുവ ജില്ല സാക്ഷ്യം വഹിച്ചത്. ഭോട്ടെകോഷി, തൃശൂലി നദികൾ ഒരു മുന്നറിയിപ്പുമില്ലാതെ കരകവിഞ്ഞൊഴുകിയപ്പോൾ അതിർത്തിയിലെ വ്യാപാര പാതകളും കൂറ്റൻ അണക്കെട്ടുകളും ചീട്ടുകൊട്ടാരം പോലെ തകർന്നു വീണു. നേപ്പാളിൽ വിതച്ച ഈ പ്രളയഭീതി അതിർത്തി കടന്ന് ബിഹാറിലെ ഗണ്ഡക് നദീതീരങ്ങളിൽ വരെ വലിയ ജാഗ്രതയ്ക്കാണ് വഴിവെച്ചിരിക്കുന്നത്.

ये कोई फिल्मी सीन नहीं, नेपाल में आई बाढ़ से होने वाली तबाही का नज़ारा है, जो बेहद ख़ौफ़नाक मंजर दिख रहा है,एक के बाद एक पुल टकराकर बह गए। pic.twitter.com/C0X7reumrO

— Ruksar_X (@Ruksar_X) August 26, 2026

കരിമേഘങ്ങളോ താഴ്‌വരകളിൽ പേമാരിയോ ഇല്ലാതെ മലനിരകളിൽ നിന്ന് ഒരൊറ്റ നിമിഷം കൊണ്ട് ഇരച്ചെത്തിയ ഈ കൂറ്റൻ മലവെള്ളപ്പാച്ചിലിന് പിന്നിൽ 'ഗ്ലോഫ്' (GLOF - Glacial Lake Outburst Flood) അഥവാ ഹിമതടാക വിസ്‌ഫോടനമാണെന്ന് കാലാവസ്ഥാ വിദഗ്ധർ ചൂണ്ടിക്കാട്ടുന്നു.

റസുവയിൽ സംഭവിച്ചതെന്ത്?

ബുധനാഴ്ച രാവിലെ എട്ടുമണിയോടെയാണ് ഭോട്ടെകോഷി നദിയിൽ അപ്രതീക്ഷിതമായി മലവെള്ളപ്പാച്ചിലുണ്ടായത്. ഈ സമയം റസുവ ജില്ലാ ആസ്ഥാനത്തോ പരിസരത്തോ എവിടെയും മഴ പെയ്തിരുന്നില്ലെന്ന് പ്രാദേശിക ഭരണകൂടവും വ്യക്തമാക്കിയിരുന്നു.

Nepal floods: Aerial footage shows the devastating aftermath.

At least 97 people have been killed, while 403 people from 27 countries remain unaccounted for.

Among those reported missing are 62 Nepali citizens, 133 Indians, 47 Americans, and 33 Britons. pic.twitter.com/UyKMs2IJ1g

— Weather Monitor (@WeatherMonitors) August 26, 2026

എന്നാൽ നിമിഷങ്ങൾക്കകം സ്ഥിതിഗതികൾ കൈവിട്ടുപോയി. ചൈനയുമായുള്ള നേപ്പാളിന്റെ പ്രധാന വ്യാപാര പാതയായ റസുവഗഡി അതിർത്തി കേന്ദ്രം, ടിമുറെ, സ്യാഫ്രുബെസി, ബെത്രാവതി തുടങ്ങിയ പ്രദേശങ്ങൾ നിമിഷങ്ങൾക്കകം വെള്ളത്തിനടിയിലായി. പ്രദേശത്തെ 111 മെഗാവാട്ടിന്റെ റസുവഗഡി പദ്ധതി, ചിലിമെ, തൃശൂലി-3എ ഉൾപ്പെടെ പത്തിലധികം ജലവൈദ്യുത പദ്ധതികൾ തകരുകയോ പ്രവർത്തനം പൂർണ്ണമായി നിർത്തിവെക്കുകയോ ചെയ്തു.

🌏 NEPAL 🇳🇵 | CHINA 🇨🇳 | 🚨 URGENTE - MILES DE PERSONAS ENTERRADAS VIVAS, PUEBLOS BORRADOS DEL MAPA: LOS HUMANOS SOMOS NADA ANTE LA NATURALEZA.

🛘 En segundos el alud se llevó todo, hizo desaparecer pueblos enteros, miles de personas han muerto y otras miles están desaparecidas. https://t.co/GY0iGzZizb pic.twitter.com/xYw5kQm9d4

— XAlertNow (@xalertnow) August 26, 2026

ദുരന്തത്തിന്റെ പ്രഭവകേന്ദ്രം; ശാസ്ത്രലോകം പറയുന്നത്

റസുവയിൽ നിന്ന് ഏകദേശം 36 കിലോമീറ്റർ അകലെ, സമുദ്രനിരപ്പിൽ നിന്ന് 5,100 മീറ്റർ ഉയരത്തിൽ സ്ഥിതി ചെയ്യുന്ന ലെൻഡെ (Lhende) നദിയിലേക്ക് കൂറ്റൻ മഞ്ഞുമല ഇടിഞ്ഞുവീണതാണ് ഈ ഭീകര ദുരന്തത്തിന് വഴിവെച്ചതെന്നാണ് പ്രാഥമിക നിഗമനം.

മഞ്ഞുമല ഇടിഞ്ഞുവീണുണ്ടായ ഹിമപാതത്തിൽ (Ice Avalanche) നദീതടം പൂർണ്ണമായി അടഞ്ഞുപോകുകയും, തുടർന്ന് അവിടെ രൂപപ്പെട്ട കൂറ്റൻ ജലസംഭരണി സമ്മർദ്ദം താങ്ങാനാവാതെ പെട്ടെന്ന് തകർന്ന് താഴേക്ക് കുതിച്ചൊഴുകുകയുമായിരുന്നുവെന്ന് കാഠ്മണ്ഡു സർവകലാശാലയിലെ പരിസ്ഥിതി ഗവേഷകൻ പ്രൊഫ. റിജൻ ഭക്ത കായസ്ഥ വ്യക്തമാക്കുന്നു.

Bhote Koshi-Trishuli Flood Update- animated video explaining the extant of damage.#nepalflood #trishuli #nepal#glof #rasuwa pic.twitter.com/8CJ1e2L9Ez

— War Diaries (@cool_crusader) August 26, 2026

ഇതിനുപുറമേ മറ്റൊരു നിർണ്ണായക വിവരവും പുറത്തുവരുന്നുണ്ട്. പ്രളയത്തിന് തൊട്ടുമുമ്പ് തിബറ്റൻ മേഖലയിൽ റിക്ടർ സ്‌കെയിലിൽ 4.4 തീവ്രത രേഖപ്പെടുത്തിയ ഭൂചലനമുണ്ടായതായി യു.എസ്. ജിയോളജിക്കൽ സർവേയും (USGS) രേഖപ്പെടുത്തിയിട്ടുണ്ട്. ഈ പ്രകമ്പനമാകാം ഹിമപാതത്തിനോ ഹിമതടാകത്തിന്റെ തിട്ടകൾ പെട്ടെന്ന് തകരുന്നതിനോ ഇടയാക്കിയതെന്നാണ് നേപ്പാൾ ദുരന്തനിവാരണ അതോറിറ്റിയുടെ വിലയിരുത്തൽ.

എന്താണ് 'ഗ്ലോഫ്' (GLOF)?

കനത്ത മഴമൂലമുണ്ടാകുന്ന പ്രളയവും ഉരുൾപൊട്ടലും നമുക്ക് പരിചയമുള്ളതാണ്. എന്നാൽ ഹിമാലയൻ മലനിരകളിൽ ദുരന്തം വിതയ്ക്കുന്ന 'ഗ്ലോഫ്' തികച്ചും വ്യത്യസ്തവും അതിഭീകരവുമാണ്.

ഉയർന്ന മലനിരകളിലെ ഹിമാനികൾ (Glaciers) ഉരുകുമ്പോൾ, ഒലിച്ചുവരുന്ന മണ്ണും പാറക്കല്ലുകളും അടിഞ്ഞുകൂടി സ്വാഭാവിക തടയണകൾ (Moraines) രൂപപ്പെടാറുണ്ട്. ഈ തടയണകളിൽ ജലം കെട്ടിക്കിടന്ന് കാലക്രമേണ വലിയ തടാകങ്ങളായി മാറും. ഇവയാണ് ഹിമതടാകങ്ങൾ.

കോൺക്രീറ്റ് ഡാമുകളെപ്പോലെ ഉറപ്പുള്ളതല്ല മണ്ണും കല്ലും മഞ്ഞും ചേർന്നുള്ള ഈ പ്രകൃതിദത്ത തിട്ടകൾ. ആഗോളതാപനം മൂലം മഞ്ഞുരുകൽ ശക്തമാകുമ്പോൾ തടാകങ്ങളിലെ ജലനിരപ്പ് അപകടകരമായ അളവിൽ ഉയരും. ഒരു ഭൂചലനമോ വലിയ ഹിമപാതമോ ഉണ്ടാകുമ്പോൾ ഈ സ്വാഭാവിക ഭിത്തികൾ നിമിഷനേരം കൊണ്ട് തകർന്നടിയും.

തുടർന്ന് ലക്ഷക്കണക്കിന് ഘനമീറ്റർ വെള്ളവും കൂറ്റൻ പാറകളും ചെളിയും അതിവേഗതയിൽ താഴ്വരകളിലേക്ക് കുതിച്ചെത്തും. ഇതിനെയാണ് 'ഗ്ലേഷ്യൽ ലേക്ക് ഔട്ട്‌ബേസ്റ്റ് ഫ്‌ലഡ്' എന്ന് വിളിക്കുന്നത്. ആകാശത്ത് മഴമേഘങ്ങൾ പോലും കാണാനില്ലാത്തതിനാൽ താഴ്വരയിലുള്ളവർക്ക് മുൻകൂട്ടി മുന്നറിയിപ്പ് ലഭിക്കില്ലെന്നതാണ് ഇതിന്റെ അപകടസാധ്യത വർധിപ്പിക്കുന്നത്.

നേപ്പാളിലെ മലവെള്ളപ്പാച്ചിൽ അയൽ സംസ്ഥാനമായ ബിഹാറിലും വലിയ ജാഗ്രതയാണ് സൃഷ്ടിച്ചിരിക്കുന്നത്. ഭോട്ടെകോഷിയിലെ വെള്ളം തൃശൂലി നദി വഴി നേരിട്ടെത്തുന്നത് ബിഹാറിലൂടെ ഒഴുകുന്ന ഗണ്ഡക് നദിയിലേക്കാണ്.

തിബറ്റൻ മേഖലയിലെ പ്രളയത്തെ തുടർന്ന് ഭോട്ടെകോഷിയിൽ ജലനിരപ്പ് മൂന്ന് മീറ്ററോളമാണ് ഉയർന്നത്. നദിയിലെ ഒഴുക്ക് അപകടനില തരണം ചെയ്തതോടെ മുൻകരുതൽ നടപടിയെന്ന നിലയിൽ വാത്മീകിനഗറിലെ ബാരേജിന്റെ മുഴുവൻ (36) ഷട്ടറുകളും ബിഹാർ സർക്കാർ തുറന്നു. സ്ഥിതിഗതികൾ സൂക്ഷ്മമായി നിരീക്ഷിക്കാൻ വിദഗ്ധ സാങ്കേതിക സംഘത്തെ നിയോഗിക്കുകയും ദുരന്തനിവാരണ സേനയെ സജ്ജമാക്കുകയും ചെയ്തിട്ടുണ്ട്.

English Summary : A sudden flash flood struck the Rasuwa district of Nepal as the Bhote Koshi and Trishuli rivers overflowed without any local rainfall, destroying trade routes, infrastructure, and over ten hydroelectric projects. Experts have identified the event as a Glacial Lake Outburst Flood (GLOF), triggering high alerts all the way downstream to Bihar, India.