Global Food Crisis Warning: കാലാവസ്ഥാ വ്യതിയാനവും എൽ നിനോയും; ലോകത്തെ കാത്തിരിക്കുന്നത് വൻ ഭക്ഷ്യ പ്രതിസന്ധി

കാലാവസ്ഥാ വ്യതിയാനവും എൽ നിനോയും; ലോകത്തെ കാത്തിരിക്കുന്നത് വൻ ഭക്ഷ്യ പ്രതിസന്ധി

കാലാവസ്ഥാ വ്യതിയാനവും (Climate Change), എൽ നിനോ (El Niño) പ്രതിഭാസവും പശ്ചിമേഷ്യൻ സംഘർഷങ്ങളും ചേർന്ന് അടുത്ത വർഷങ്ങളിൽ ലോകത്തെ ഗുരുതരമായ ഭക്ഷ്യ പ്രതിസന്ധിയിലേക്ക് (Food Crisis) തള്ളിവിടുമെന്ന് വേൾഡ് ഫുഡ് പ്രോഗ്രാമിന്റെ (World Food Programme - WFP) പുതിയ റിപ്പോർട്ട്. 2027 അവസാനത്തോടെ കുറഞ്ഞത് 4.9 കോടി പേർ കൂടി കടുത്ത ഭക്ഷ്യ അരക്ഷിതാവസ്ഥയിലേക്ക് (Acute Food Insecurity) നീങ്ങുമെന്നാണ് റിപ്പോർട്ടിലെ മുന്നറിയിപ്പ്.

45 രാജ്യങ്ങൾ പ്രതിസന്ധിയിൽ

ഡബ്ല്യു.എഫ്.പി.യുടെ ഫുഡ് സെക്യൂരിറ്റി ആൻഡ് ന്യൂട്രിഷൻ അനാലിസിസ് സർവീസ് (Food Security and Nutrition Analysis Service) തയ്യാറാക്കിയ പഠനത്തിൽ 45 രാജ്യങ്ങളിലെ സ്ഥിതിഗതികളാണ് വിലയിരുത്തിയത്. നിലവിൽ 22.5 കോടി പേർ കടുത്ത ഭക്ഷ്യ അരക്ഷിതാവസ്ഥ നേരിടുന്നുണ്ടെങ്കിലും ഇത് 27.4 കോടിയായി ഉയരുമെന്നാണ് റിപ്പോർട്ട് വ്യക്തമാക്കുന്നത്.

എൽ നിനോയുടെ ആഘാതം (El Niño Impact)

2026 സെപ്റ്റംബർ മുതൽ ഡിസംബർ വരെയുള്ള കാലയളവിൽ എൽ നിനോ ഏറ്റവും ശക്തമായ ഘട്ടത്തിലെത്തുമെന്നാണ് വിലയിരുത്തൽ. ഇതിന്റെ ആഘാതം 2027-ലെ കാർഷിക ഉൽപാദനത്തെയും വിളവെടുപ്പിനെയും നേരിട്ട് ബാധിക്കും. വരൾച്ച, അതിതീവ്ര മഴ, വെള്ളപ്പൊക്കം, ഉയർന്ന താപനില എന്നിവ നിരവധി രാജ്യങ്ങളിലെ ഭക്ഷ്യ ഉൽപാദനത്തെ പ്രതികൂലമായി ബാധിക്കുമെന്നും റിപ്പോർട്ടിൽ പറയുന്നു.

2015–16 കാലത്തെ എൽ നിനോ മൂലം 60 ലക്ഷം മുതൽ ഒരു കോടി പേർ വരെ ഭക്ഷ്യസുരക്ഷാ പ്രതിസന്ധി നേരിട്ടിരുന്നു. ഇത്തവണ അതിലും വലിയ പ്രത്യാഘാതമാണ് പ്രതീക്ഷിക്കുന്നത്.

സംഘർഷങ്ങളും വിലക്കയറ്റവും തിരിച്ചടി

പശ്ചിമേഷ്യൻ സംഘർഷങ്ങൾ (West Asia Conflict), കാലാവസ്ഥാ വ്യതിയാനം മൂലമുള്ള വിളനാശം, ഭക്ഷ്യവസ്തുക്കളുടെ വിലവർധന എന്നിവ ദുർബല വിഭാഗങ്ങളുടെ ഭക്ഷ്യലഭ്യതയെ കൂടുതൽ ബാധിക്കുമെന്ന് റിപ്പോർട്ട് മുന്നറിയിപ്പ് നൽകുന്നു. പ്രത്യേകിച്ച് ആഫ്രിക്കൻ രാജ്യങ്ങളും ലാറ്റിനമേരിക്കൻ രാജ്യങ്ങളും ഏറ്റവും വലിയ തിരിച്ചടി നേരിടുമെന്നാണ് വിലയിരുത്തൽ.

ചില മേഖലകളിൽ കുത്തനെ വർധിക്കും

ഭക്ഷ്യ അരക്ഷിതാവസ്ഥ നേരിടുന്നവരുടെ എണ്ണത്തിൽ മധ്യ അമേരിക്കയിൽ (Central America) 83 ശതമാനവും തെക്കൻ ആഫ്രിക്കയിൽ (Southern Africa) ഏകദേശം 75 ശതമാനവും വർധനവുണ്ടാകുമെന്നാണ് റിപ്പോർട്ട് വ്യക്തമാക്കുന്നത്.

മുൻകരുതൽ നടപടികൾ വേണം

1982-ന് ശേഷമുള്ള ഏറ്റവും ഉയർന്ന സമുദ്രോപരിതല താപനിലയാണ് നിലവിലുള്ളതെന്നും, 1950-ന് ശേഷമുള്ള ഏറ്റവും ശക്തമായ എൽ നിനോയായി ഇത് മാറാൻ സാധ്യതയുണ്ടെന്നും റിപ്പോർട്ടിൽ പറയുന്നു. അതിതീവ്ര മഴയും കടുത്ത വരൾച്ചയും മാറിമാറി അനുഭവപ്പെടുന്ന സാഹചര്യം ഭക്ഷ്യ ഉൽപാദനത്തെ ഗുരുതരമായി ബാധിക്കുമെന്ന് വിദഗ്ധർ മുന്നറിയിപ്പ് നൽകുന്നു.

അതേസമയം, ഐക്യരാഷ്ട്രസഭയ്ക്കുള്ള ധനസഹായം ചില രാജ്യങ്ങൾ വെട്ടിക്കുറച്ചതും ആഗോള ഭക്ഷ്യസുരക്ഷാ പ്രവർത്തനങ്ങളെ പ്രതികൂലമായി ബാധിക്കുമെന്ന് റിപ്പോർട്ടിൽ ചൂണ്ടിക്കാട്ടുന്നു. പട്ടിണി ദുരന്തം ഒഴിവാക്കാൻ അടിയന്തര മുൻകരുതൽ നടപടികളും അന്താരാഷ്ട്ര സഹകരണവും ശക്തിപ്പെടുത്തണമെന്ന് ഡബ്ല്യു.എഫ്.പി. ആവശ്യപ്പെട്ടു.

English Summary : A comprehensive report from the World Food Programme (WFP) warns that a powerful combination of climate change, a strengthening El Niño phenomenon, and ongoing geopolitical conflicts in West Asia threatens to trigger a devastating global food crisis.

തിരുവോണത്തിന് പെയ്യുമോ, എങ്കില്‍ എവിടെ, എങ്ങനെ

കേരളത്തില്‍ ഇന്ന് പകല്‍ ശക്തമായിരുന്ന മഴയില്‍ വൈകിട്ടു മുതല്‍ കുറവ്. തിരുവോണം ദിനമായ നാളെ മഴയുടെ ശക്തിയില്‍ കുറവ് പ്രതീക്ഷിക്കുന്നു. എന്നാല്‍ എല്ലായിടത്തും മഴ സാധ്യതയുണ്ട്. മഴക്ക് ദീര്‍ഘമായ ഇടവേളകള്‍ ലഭിക്കാം. എന്നാല്‍ ഒറ്റപ്പെട്ട ശക്തമായ മഴയും ഉണ്ടാകും. 

അന്തരീക്ഷം ഇപ്പോള്‍ എങ്ങനെ

കഴിഞ്ഞ ദിവസം ബംഗാള്‍ ഉള്‍ക്കടലില്‍ നിന്ന് കരകയറിയ ന്യൂനമര്‍ദം നിലവില്‍ ജാര്‍ഖണ്ഡിന് മുകളിലാണുള്ളത്. കേരളത്തില്‍ മഴ വര്‍ധനവിന് കാരണമാകുന്ന ചക്രവാത ചുഴികളോ, ന്യൂനമര്‍ദ പാത്തിയോ ഇതുവരെ ദൃശ്യമല്ല. എന്നാല്‍ പസഫിക് സമുദ്രത്തിലെ ന്യൂനമര്‍ദത്തിന്റെ സ്വാധീനം തുടരുന്നുമുണ്ട്.

തിരുവോണത്തിന് എങ്ങനെ മഴ 

കേരള തീരത്ത് കാറ്റിന്റെ ശക്തി കുറഞ്ഞിട്ടുണ്ട്. ദിശയിലും വ്യതിയാനമുണ്ട്. അന്തരീക്ഷത്തിന്റെ താഴ്ന്ന ഉയരങ്ങളിലെ കാറ്റ് ശക്തമല്ല. അതിനാല്‍ ഇന്നലെ രാത്രി ലഭിച്ചതുപോലെ തുടര്‍ച്ചയായ ശക്തമായ മഴ പ്രതീക്ഷിക്കുന്നില്ല. എന്നാല്‍ തെക്കന്‍ ജില്ലകളിലില്‍ ഇന്നു രാത്രിയും മഴയുണ്ടാകും. വടക്കന്‍, മധ്യ ജില്ലകളില്‍ പുലര്‍ച്ചെ വരെ ഇടവേളയോടെ ഒറ്റപ്പെട്ട മഴ പ്രതീക്ഷിക്കുന്നു. 

തിരുവോണത്തിന്  എറണാകുളം, കോട്ടയം, പത്തനംതിട്ട, ഇടുക്കി ജില്ലകളില്‍ ആണ് കൂടുതല്‍ മഴ പ്രതീക്ഷിക്കുന്നത്. എന്നാല്‍ ഇന്നത്തെ പോലെ മഴ ശക്തമാകില്ല എന്നാണ് അനുമാനം. വടക്കന്‍, മധ്യ, ജില്ലകളില്‍ പകല്‍ മഴയുണ്ടാകും. പക്ഷേ ദീര്‍ഘമായ ഇടവേളകള്‍ പ്രതീക്ഷിക്കാം. കാലാവസ്ഥാ വകുപ്പ് ബുധനാഴ്ച പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് മഴ സാധ്യതയെ തുടര്‍ന്ന് മഞ്ഞ അലര്‍ട്ട് നല്‍കിയത്.

English Summary : ​Weather Update: Will it Rain on Thiruvonam?. Rainfall in Kerala has started decreasing since this evening. While rain is still expected across the state on Thiruvonam day, its intensity will drop, allowing for longer dry spells alongside isolated heavy showers.